07:21, 23 - قىركۇيەك 2014 | GMT +5
مايك تايسون ءوزىن جاڭا قىرىنان تانىتتى
استانا. قازاقپارات - اتاقتى امەريكالىق بوكسشى، اسا اۋىر سالماقتاعى بۇرىنعى ابسوليۋتتىك چەمپيون، كوبىنەسە ءوزىنىڭ جاعىمسىز قىلىقتارىمەن باسىلىمداردى شۋلاتىپ جۇرەتىن مايك تايسون ءوزىن جاڭا قىرىنان تانىتتى.
ول جول-كولىك اپاتىنان زارداپ شەككەن موتوتسيكلشىگە كومەكتەستى، دەپ حابارلايدى جەرگىلىكتى ب ا ق.
وقىس وقيعا وتكەن سەنبىدە لاس-ۆەگاسقا باراتىن جولدا بولعان. موتوتسيكلشى رايان چەسليدى تاكسي قاققان.
بۇل كەلەڭسىز جاعدايعا كۋا بولعانداردىڭ ءبىرى تايسون بولىپ شىقتى. بۇرىنعى بوكسشى جول قوزعالىسىن توقتاتىپ، دارىگەرلەر كەلگەنشە 29 جاسار جاس جىگىتكە كومەكتەسىپ، سودان كەيىن عانا كەتكەن. موتوتسيكلشى مايكتى ۇيالى تەلەفونىنا ءتۇسىرىپ العان.
دارىگەرلەر ونىڭ اياق-قولىنىڭ سىنعانىن انىقتادى.
وزىنە كومەكتەسكەنى ءۇشىن الگى جىگىت تايسوننىڭ اتىنا العىسىن بىلدىرگەن حات پەن جەمىس-جيدەككە تولى سەبەت جىبەرگەن.
