قورعانىس ءمينيسترى سەرىك احمەتوۆ قىتايلىق تاراپقا العىسىن ءبىلدىردى - فوتو
س. احمەتوۆ اتاپ وتكەندەي، «قازاقستان مەن قىتايدى ەكىجاقتى ىنتىماقتاستىقتىڭ بارلىق سالالارىنداعى بەرىك ءوزارا قارىم- قاتىناستار بايلانىستىرادى. دوستىق ستراتەگيالىق قارىم- قاتىناستىڭ نىعايۋىنا ەكى ەل كوشباسشىلارىنىڭ تۇراقتى كەزدەسۋلەرى ىقپال ەتىپ كەلە جاتىر» .
ق ر قورعانىس ءمينيسترى قورعانىس ۆەدومستۆولارى اراسىنداعى اسكەري، اسكەري- تەحنيكالىق ىنتىماقتاستىق، اسكەري ءبىلىم، ەكى ەل قارۋلى كۇشتەرىنىڭ بىرلەسكەن وقۋ- جاتتىعۋلارىن وتكىزۋدىڭ دامۋى مەن ءوزارا ءىس- قيمىلدىڭ تابىستىلىعىن اتاپ ءوتتى.
س. احمەتوۆ استانادا مامىر ايىندا وتكەن «KADEX-2014» حالىقارالىق كورمەسىنە بەلسەندى قاتىسقانى ءۇشىن قىتايلىق تاراپقا العىس ءبىلدىردى. ءوز كەزەگىندە ق ح ر قورعانىس ءمينيسترى چان ۆانتسيۋان اتالعان ساپار ەكى ەلدىڭ قورعانىس ۆەدومستۆولارى مەن قورعانىس كۇشتەرىنىڭ بولاشاقتاعى ىنتىماقتاستىعىنا قازاقستاننىڭ بەلسەندىلىك تانىتىپ وتىرعاندىعىن كورسەتەتىنىن جەتكىزدى.
«قازاقستان مەن ق ح ر قارۋلى كۇشتەرى اراسىنداعى بايلانىس ەكىجاقتى قارىم- قاتىناستىڭ ماڭىزدى قۇرامداس بولىگى بولىپ سانالادى» ، - دەپ اتاپ ءوتتى ول.
چان ۆانتسيۋان قازاقستاننىڭ وڭىرلىك قاۋىپسىزدىكتى نىعايتۋداعى زور ۇلەسىن جانە اسكەري جانە اسكەري- تەحنيكالىق ىنتىماقتاستىقتى كەلەشەكتە كەڭەيتۋدى اتاپ ءوتتى. ش ى ۇ مەن ا ءو س ش ك شەڭبەرىندە ءوزارا ءىس- قيمىل سۇراقتارىنا توقتالا كەلە ق ح ر قورعانىس ءمينيسترى بيىل تامىز ايىندا «چجۋجيحە» پوليگونىندا وتكەن «بەيبىت ميسسيا-2014» انتي تەررورلىق وقۋ- جاتتىعۋىنا ق ر قارۋلى كۇشتەرىنىڭ ويداعىداي قاتىسقاندىعىنا ريزاشىلىعىن ءبىلدىردى.
كەزدەسۋ بارىسىندا ارىپتەستەر ەكى مەملەكەتتىڭ قورعانىس ۆەدومستۆولارى اراسىندا كەلەشەكتە ءوزارا ءىس- قيمىلدى نىعايتۋ جونىندەگى ءبىرقاتار ۇسىنىستار ايتتى. سونىمەن بىرگە كۇن تارتىبىندەگى حالىقارالىق وزەكتى ماسەلەلەر بويىنشا پايىمدى پىكىر الماسۋلار بولدى. كەزدەسۋ سوڭىندا قورعانىس ءمينيسترى س. احمەتوۆ ءوز ارىپتەسىن رەسمي ساپارمەن قازاقستانعا كەلىپ كەتۋگە شاقىردى.
