21:29, 22 - قىركۇيەك 2014 | GMT +5
مۇسىلماندار فۋتبولدان باۋىرلاستار ليگاسىن قۇردى
استانا.قازاقپارات - كانادانىڭ ونتاريو شتاتىنا قاراستى ميسسيسسوگا قالاسىنىڭ مۇسىلماندارى فۋتبول وداعىن قۇرىپ، قايىرىمدىلىق ىستەرگە قارجى جيناۋدىڭ تىڭ ءتاسىلىن ويلاپ تاپتى.
«ءبىز بەيتانىس ادامدارمەن تانىسىپ، دوستاسىپ، قوعامعا پايدامىزدى تيگىزگىمىز كەلەدى» ، - دەيدى باۋىرلاستار ليگاسىنىڭ نەگىزىن قالاعان زاحيد مەرچانت Brampton Guardian اقپارات كوزىنە بەرگەن سۇحباتىندا.
باۋىرلاستار ليگاسى مۇسىلمانداردان جاساقتالعان 6 كوماندادان تۇرادى. كوماندالاردىڭ اتاۋى مۇسىلمان الەمىنە قاستەرلى ابباسيدتەر، ايۋبيدتەر، موعولدار، وسمانلىلىلار، سەلجۇكتەر جانە سۇلتاندار دەپ اتالادى. جەكسەنبىدە موعولدار وسمانلىلارمەن ويىن الاڭىندا باق سىناستى.
