ق. توقايەۆ قازاقستان مەن ق ح ر قاتىناستارىنىڭ سەرپىندى دامۋىن اتاپ ءوتتى
اڭگىمە بارىسىندا ق. توقايەۆ جانە چ. باوۆەن ساۋدا- ەكونوميكا، ەنەرگەتيكا، گۋمانيتارلىق جانە قاۋىپسىزدىك سالالارىنداعى ەكىجاقتى ىنتاماقتاستىقتىڭ دامۋ قارقىنىن اتاپ ءوتتى. سەنات ءتوراعاسىنىڭ پىكىرىنشە، دۋشانبەدە وتكەن ش ى ۇ سامميتىندەگى قازاقستان مەن قىتاي باسشىلارىنىڭ كەزدەسۋى ەكىجاقتى ىنتىماقتاستىققا جاڭا سەرپىن بەردى.
جۇزدەسۋشىلەر پارلامەنتارالىق ءوزارا ءىس- قيمىل ستراتەگيالىق ىنتىماقتاستىقتىڭ ماڭىزدى قۇرامى دەپ سانايدى. ەكى ەلدىڭ پارلامەنتىندە دە ىنتىماقتاستىق جونىندەگى توپتار تابىستى قىزمەت ەتىپ كەلەدى، پارلامەنتتىك دەلەگاتسيالاردىڭ ساپارلارىمەن الماسادى جانە پارلامەنتارالىق ۇيىمدار بايلانىستارى بويىنشا ءوزارا ءىس- قيمىل دامي تۇسۋدە. «ءبىز پارلامەنتارالىق ىنتىماقتاستىقتى وركەندەتۋ ءۇشىن بارلىق كۇش- جىگەرىمىزدى سالاتىن بولامىز. زاڭ شىعارۋ قىزمەتىندە پارلامەنتشىلەر اراسىنداعى تاجىريبە الماسۋ دا پايدالى بولادى» ، - دەپ اتاپ ءوتتى سەنات ءتوراعاسى.
قىتاي تاراپى دۇنيەجۇزىلىك مامانداندىرىلعان ЕХРО-2017 كورمەسىن وتكىزۋدە 2010 - جىلى شانحايدا وتكەن وسىنداي شارانى ۇيىمداستىرۋداعى تاجىريبەسىمەن قازاقستانمەن بولىسۋگە ازىرلىگىن ءبىلدىردى.
كەزدەسۋ سوڭىندا سەنات ءتوراعاسى ق. توقايەۆ ق ح ر- دىڭ قۇرىلعانىنا 65 جىل تولۋىنا وراي قىتايلىق ارىپتەستەرىن قۇتتىقتادى جانە قىتايدىڭ قازاقستانداعى كۇندەرىن تابىستى وتكىزۋگە تىلەكتەستىگىن ءبىلدىردى، سونداي- اق ءب ح ءو ج ت ك ءتوراعاسى چجان دەتسزياندى ەكى ەل اراسىنداعى ستراتەگيالىق ارىپتەستىك ماسەلەلەرى بويىنشا ءۇن قاتىسۋدى جالعاستىرۋ ءۇشىن قازاقستانعا كەلۋگە شاقىردى.
اۆتور: سەرىك قاراجان
