ن. نازاربايەۆ قالىپتاستىرعان قازاقستاندىق جول ۇلتتىق جاڭعىرۋدىڭ جارقىن ۇلگىسىنە اينالىپ وتىر- چجان باوۆەن
بۇگىن پارلامەنت ءماجىلىسىنىڭ ءتوراعاسى قابيبوللا جاقىپوۆپەن كەزدەسكەن بۇكىل قىتايلىق حالىق وكىلدەرىنىڭ جينالىسى تۇراقتى كوميتەتى ءتوراعاسىنىڭ ورىنباسارى چجان باوۆەن وسىلاي مالىمدەدى.
«استانا قالاسىنىڭ دامۋى مەن زاماناۋي كوركى بىزگە ۇلكەن اسەر قالدىردى. ن. نازاربايەۆتىڭ دانا باسشىلىعى ارقاسىندا سىزدەردىڭ ەلدەرىڭىز قازاقستاندىق دامۋ مودەلىنە يە بولدى. بۇل قازاقستاندىق جولدىڭ ءوزىنىڭ دامۋىنا جان-جاقتى جاۋاپ بەرەتىن ەرەكشەلىگى بار ءارى ول الەمنىڭ دامىعان ەلۋ ەلىنىڭ قاتارىنا ۇمتىلىپ قانا قويماي، ۇلتتىق جاڭعىرۋ مەن ۇلتتىق دامۋدىڭ جارقىن ۇلگىسىنە اينالدى»، - دەدى دەلەگاتسيا باسشىسى.
بۇدان بولەك، چجان باوۆەن ساپار اياسىندا قازاقستاندىق ارىپتەستەرىمەن بىرلەسە وتىرىپ، پارلامەنتارالىق ىنتىماقتاستىقتى ودان ءارى دامىتۋ، قازاقستان- قىتاي ستراتەگيالىق ارىپتەستىك بايلانىسىن جاڭا دەڭگەيگە كوتەرۋ ماسەلەلەرىن تالقىلاۋعا ءازىر ەكەنىن جەتكىزدى.
«ءبىزدىڭ ەلدەرىمىزدىڭ اراسىندا جوعارى دەڭگەيدە تىعىز بايلانىستار ورنادى، ەكى ەلدىڭ ءوزارا ساياسي سەنىمدىلىگى دە كۇن سايىن نىعايىپ كەلەدى. سونىمەن قاتار، قازاقستان مەن قىتايدىڭ ساۋدا-ەكونوميكالىق، ەنەرگەتيكالىق، كولىكتىك، اۋىل شارۋاشىلىعى، گۋمانيتارلىق سەكىلدى ءارتۇرلى سالالارداعى ىنتىماقتاستىعى ءبىرشاما جەتىستىكتەردى ەڭسەردى. بۇل تابىستاردىڭ بارشاسى حالىقتارىمىزعا ناقتى تيىمدىلىگىن كورسەتىپ وتىر»، - دەدى مەيمان.
سونىمەن قاتار، جۇزدەسۋ بارىسىندا تاراپتار جىبەك جولىنىڭ ەكونوميكالىق بەلدەۋىن قۇرۋ اياسىندا ىنتىماقتاستىقتى تەرەڭدەتە تۇسۋگە مۇددەلى ەكەندىكتەرىن ءبىلدىردى.
اۆتور: قانات مامەتقازى ۇلى
