ا ق ش ايدا اتوم بومباسىن جارماق بولعان

استانا. قازاقپارات - قىرعي قاباق سوعىس تۇسىندا ا ق ش ايدا جارىلىس جاساماقشى بولعان. سونداي-اق كورمە كەزىندە بىرنەشە ساعاتقا كەڭەستىك اي زىمىرانىن ۇرلاپ كەتكەن.

ا ق ش-تىڭ ارنايى قىزمەتىنىڭ قۇپيا قۇجاتتارىنا سىلتەمە جاساي وتىرىپ، Newsweek باسىلىمى وسىنداي مالىمەتتەر تاراتتى.

مۇراعات دەرەكتەرىندە ا ق ش-تىڭ ايدا اسكەري بازا ورناتۋعا قاتىستى جوبا جوسپارلارى كەلتىرىلىپتى. ول ارقىلى ا ق ش عالامشار مەن عارىشقا باقىلاۋ ورناتۋدى دىتتەگەن.

ماسەلەن 1964 - جىلدىڭ سوڭىنا تامان ا ق ش ايعا «ساتۋرن» زىمىرانىمەن 74 ماڭىزدى ساپار ورىنداۋدى جوسپارلاپ، 1965 - جىلى اي بازاسىنىڭ قۇرىلىسىن باستاۋدى ءجون كورگەن. سول جىلدىڭ كوكتەمىندە جەرسەرىگىنە ەكى عارىشكەردى جەتكىزىپ، 1966 - جىلى 12 اسكەريدى قابىلداۋعا شاقتالعان بازا دايىن بولۋى ءتيىس ەدى.

ا ق ش-تىڭ بۇل جوسپارلارى 1950 - جىلدىڭ باعامىمەن 6 ميلليارد ا ق ش دوللارىنا باعالانىپتى. اي بازاسىنىڭ قۇرىلىسىن ا ق ش زەرتتەۋشىلەرى اتوم بومباسىن جاساۋمەن بىردەي كورگەن. سونىمەن قاتار جەرسەرىگىنە جاپپاي قىرىپ-جويۋ قارۋىن تاستاپ كورۋدى مەجەلەگەن. باستى ماقسات - ك س ر و-نى سەسكەندىرۋ. الىپ دەرجاۆانىڭ جوسپارلارى ايدا اتوم رەاكتورلارىن ورنالاستىرىپ، سىناما قالدىقتارىن اشىق عارىشقا جونەلتۋدى دە كوزدەيدى. ءارى امەريكالىقتاردىڭ العاشقى كەڭەستىك جاساندى جەرسەرىگىنىڭ ۇشۋىنا كەدەرگى كەلتىرۋ نيەتى بولعان.

اۆتورى: جىگەر سارسەن

24.kz