ەر جانىبەك باتىرعا ارنالعان پروزالىق ءمۇشايرا جاريالاندى
قازاق حالقىنىڭ جوڭعار شاپقىنشىلىعىنا قارسى سوعىسىندا ەرەكشە ەرلىك كورسەتىپ ەلىنە ۇران بولعان اتاقتى باتىر، قولباسشى، ءادىل بي، ءدىلمار شەشەن ەر جانىبەك بەرداۋلەت ۇلىنىڭ (1714-1792) تۋعانىنا 300 جىل تولۋىنا وراي «ەلىنە ۇران بولعان ەر جانىبەك» اتتى حالىقارالىق پروزالىق شىعارمالارعا بايقاۋ جاريالانادى!
ۇيىمداستىرۋشى: «ەر جانىبەك» حالىقارالىق قوعامدىق قورى.
بايقاۋدىڭ ماقساتى:
ا) ەر جانىبەك بەرداۋلەت ۇلىنىڭ ەرلىك ىستەرىن، قولباسىلىق قاسيەتىن، قوعام جانە ساياسي قايراتكەر رەتىندە اتقارعان قىزمەتتەرىن، شەشەندىك تاپقىرلىعى مەن ءادىل بيلىگىن ءناسيحاتتاۋ، سول ارقىلى قازاق ادەبيەتىنىڭ دامۋىنا ۇلەس قوسۋ.
ءا) ەل تۇتاستىعىن ساقتاۋعا زور ىقپال ەتكەن، باتىرلىق پەن ادىلدىكتى تۋ ەتكەن ەر جانىبەك بەرداۋلەت ۇلىنىڭ كەلبەتىن كەيىنگى ۇرپاققا ۇلگى ەتۋ، ادامدىق قاسيەتتەرىن ۇيرەتۋ، ەرلىك ىستەرىن ونەگە تۇتۋ.
ب) قالامگەرلەرگە قولداۋ كورسەتۋ، جوعارى دەڭگەيدەگى شىعارمالاردى ومىرگە اكەلۋگە ىنتالاندىرۋ، شىعارمالارىن وقىرماندار اراسىنا كەڭىنەن ءناسيحاتتاۋ.
ۆ) جاس بۋىندى ۇلتتىق مادەني قۇندىلىقتارعا قىزىقتىرۋ، تاريحي تۇلعالاردىڭ ەرلىكتەرى مەن ونەگەلى ىستەرىن ناسيحاتتاي وتىرىپ قازاقستاندىق پاتريوتيزمگە تاربيەلەۋ.
بايقاۋدىڭ تالاپ- شارتتارى:
1) «ەلىنە ۇران بولعان ەر جانىبەك» تاقىرىبىندا پروزالىق شىعارمالار (اڭگىمە، نوۆەللا، ەسسە، پوۆەست) .
2) بايقاۋعا كەز- كەلگەن ۇلتتىڭ وكىلى قاتىسا الادى.
3) قاتىسۋشىلاردىڭ جاس مولشەرى 18 بەن 50 جاس ارالىعىندا بولۋى كەرەك.
4) بۇرىن جاريالانعان شىعارمالار قابىلدانبايدى.
5) اۆتور ءوزى ۇسىنعان شىعارماسىن ءوزىنىڭ ءوتىنىشى ارقىلى ۇيىمداستىرۋ كوميتەتىنىڭ قاراۋىنان الىپ تاستاي الادى.
6) ۇيىمداستىرۋ كوميتەتى اۆتورلارمەن ۇسىنىلعان شىعارما توڭىرەگىندە پىكىرتالاس وتكىزبەيدى.
7) ۇسىنىلعان شىعارمالار رەتسەنزيالانبايدى جانە قايتارىلمايدى.
8) بايقاۋعا جىبەرىلگەن شىعارمالار كولەمى 30 بەتكە دەيىن بولۋى كەرەك.
9) ۇسىنىلعان شىعارمالار قازاق تىلىندە، كومپيۋتەردە (Times New Roman فورماتتا، 14 شريفتپەن) تەرىلگەن بولۋى ءتيىس.
10) ۇيىمداستىرۋ كوميتەتى جولدانعان شىعارمالاردى جاريالاۋعا جانە جيناق ەتىپ شىعارۋعا قۇقىلى.
11) قاتىسۋشىلار مەن جۇلدەگەرلەردى قۇتتىقتاۋ شاراسىنىڭ ۋاقىتى الدىن- الا ەسكەرتىلەدى جانە ولاردىڭ كەلىپ- كەتۋ شىعىندارى ءوز ەسەبىنەن بولادى.
بايقاۋعا ارنالعان شىعارمالاردى قابىلداۋ ۋاقىتى: 2014 -جىل 10 - قازانعا دەيىن قابىلدانادى.
شىعارمالار تومەندە كورسەتىلگەن مەكەن- جاي بويىنشا قابىلدانادى:
Email: erjanibek-300@mail.ru
جەڭىمپازدارعا تاعايىندالعان جۇلدەلەر:
باس جۇلدە - بىرەۋ (300000ت گ)
I ورىن - بىرەۋ (200000ت گ)
Ⅱورىن - بىرەۋ (150000ت گ)
Ⅲورىن - ەكەۋ (100000ت گ)
ارناۋلى جۇلدەلەر - ۇشەۋ (50000ت گ)
