حودوركوۆسكي رەسەي پرەزيدەنتى بولۋعا ءازىر ەكەنىن جەتكىزدى

استانا. قازاقپارات - وتكەن جىلدىڭ جەلتوقسانىندا ۆلاديمير پۋتيننىڭ كەشىرىم بەرۋىمەن بوستاندىققا شىققان يۋكوس-تىڭ ەكس-باسشىسى ميحايل حودوركوۆسكي مەملەكەت داعدارىس جاعدايىنا تاپ بولعان جاعدايدا رەسەي پرەزيدەنتى بولۋعا ءازىر ەكەنىن جەتكىزدى، دەپ حابارلايدى «دوجد».

بۇل تۋرالى ول فرانسۋزدىڭ Le Monde گازەتىنە بەرگەن سۇقباتىندا ءمالىم ەتكەن.

حودوركوۆسكي ەلدە داعدارىس ورىن الا قالعان جاعدايدا جانە ونى ەڭسەرۋ كەرەك بولسا، كونستيتۋتتسيالىق رەفورمالاردى جۇرگىزۋ كەرەك بولسا، وندا ول «جۇمىستىڭ ءبىر بولىگىن ءوز قولىنا الۋعا ءازىر» ەكەنىن جەتكىزدى. ونىڭ سوزىنشە، كونستيتۋتسيالىق رەفورما قازىرگى پرەزيدەنت قۇزىرىنداعى بيلىكتىڭ ءبىر بولىگىن سوتقا، پارلامەنت پەن ازاماتتىق قوعامعا ءبولىپ بەرۋدى كوزدەيدى.

ول سونداي-اق، ءدال قازىرگى ۋاقىتتا ونىڭ الدىنا پرەزيدەنت بولۋى ماقساتى جوق ەكەنىن دە ايتىپ قالدى.

جۋىردا عانا وتكەن ونلاين-كونفەرەنتسيا بارىسىندا ءوزىنىڭ ۇيىمداستىرۋىنداعى «اشىق رەسەي» جوباسى اياسىندا 2016-جىلى وتكەلى وتىرعان دۋمما سايلاۋى الدىندا «كواليتسيا» قۇرۋ قاجەت ەكەنىن دە ايتقان. بۇعان دەيىن ول «ۆەدوموستيگە» بەرگەن سۇقباتىندا جاڭارتىلعان «اشىق رەسەي» جوباسى «رەسەيدىڭ ەۋروپاعا بەت بۇرعان بولىگىنە» كومەك بەرۋگە جۇمىلدىرىلعانىن مالىمدەگەن. ونىڭ سوزىنە قاراعاندا، بۇل جوبا «جالپىلاما ناقتى شەشىمدەردى وتە قىسقا ۋاقىتتا جينالۋعا جانە ورىنداۋعا مۇمكىندىك بەرەتىن جەلىلىك قۇرىلىمعا نەگىزدەلگەن. ماسەلەن، ول جوبا سايلاۋالدى كومپانيا قارساڭىندا ءتيىمدى جۇمىس ىستەمەك». 

الايدا «گوۆوريت موسكۆا» رايدوستانتسياسىنا بەرگەن سۇقباتىندا كاسىپكەردىڭ باسپا ءسوز حاتشىسى ولگا پيسپانەن حودوركوۆسكيدىڭ ناقتى قاي جىلى وتەتىن پرەزيدەنتتىك سايلاۋعا قاتىسقالى وتىرعانىن بەلگىسىز ەكەنىن ايتقان بولاتىن. «ماسەلە قاي جىلى وتەتىن سايلاۋعا قاتىسۋ ەمەس، بار ماسەلە ەلدە داعدارىس ورىن الا قالعان جاعدايدا»، - دەپ اتاپ ءوتتى پيسپانەن.

Tengrinews.kz