08:17, 22 - قىركۇيەك 2014 | GMT +5
حاكەر تاعى دا عالامتورعا جۇلدىزداردىڭ جەكە سۋرەتتەرىن جايىپ جىبەردى
استانا. قازاقپارات - عالامتوردا تاعى دا جۇلدىزداردىڭ جەكە سۋرەتتەرى پايدا بولدى، دەپ جازادى BBC.
بۇل جولعى قۇربانداردىڭ ىشىندە كيم كارداشيان، ءارتىس ۆانەسا حادجينس جانە ا ق ش-تىڭ ايەلدەر فۋتبولىنان ۇلتتىق قۇراماسىنىڭ قاقپاشىسى حوۋپ سولو بار.
بۇل جولعى ينتەرنەت شابۋىلدى دا تامىز ايىنىڭ باسىندا ءبىر توپ جۇلدىزدىڭ جەكە سۋرەتتەرىن (جارتىلاي جالاڭاش) عالامتورعا جايعان حاكەر جاسادى دەپ بولجالۋدا.
ول جولى جاپا شەككەندەردىڭ ىشىندە الەمدە ەڭ سۇرانىسقا يە ارتىستەردىڭ ءبىرى - جەننيفەر لوۋرەنس، رياننا، كيم كارداشيان، مەري كەيت ولسەن، اريانا گراندە، ۆيكتوريا جاستيس، كەيت اپتون جانە تاعى ونشاقتى الەمدىك جۇلدىز بولعان.
سۋرەتتەر iCloud ايفونىنا شابۋىل جاساۋ ارقىلى الىنعان.
ف ز ب (ف ب ر) وسى ءىس بويىنشا زەرتتەۋ جۇرگىزىپ جاتىر.
