08:07, 22 - قىركۇيەك 2014 | GMT +5
سيريالىق كۇردتەر «يسلام مەملەكەتى»-نەن تۇركياعا قاشتى
استانا. قازاقپارات - تۇركيا بيلىگى ەلگە لاپ قويعان بوسقىنداردان ساقتانۋ ءۇشىن سيريامەن شەكتەسەتىن شەكاراداعى بىرنەشە باقىلاۋ-وتكىزۋ بەكەتىن جاپتى، دەپ حابارلادى BBC.
سوڭعى ەكى كۇن ىشىندە تۇركياعا «يسلام مەملەكەتى» سودىرلارى شابۋىلىنان قاشقان 70 مىڭعا جۋىق سيريالىق كۇردتەر كىرگەن.
جەكسەنبى كۇنى بوسقىندار ىشىنەن تۋىسقاندارىن ىزدەپ، شەكاراعا جينالعان كۇردتەر مەن تۇركيانىڭ ارنايى قىزمەتكەرلەرى اراسىندا قاقتىعىس بولدى. كەرىسىنشە، كەيبىر كۇردتەر سودىرلارمەن سوعىسۋ ءۇشىن سيريا جاققا ءوتىپ كەتپەك بولعان.
بۇعان دەيىن سودىرلار سيريانىڭ كوباني قالاسىنا تاياپ قالعانى تۋرالى حابارلانعان بولاتىن.
