قىتايلىقتار جاڭا تەلەفوننىڭ دالمە-ءدال كوشىرمەسىن شىعاردى

استانا. قازاقپارات - قىتايلىقتار Apple ونىمدەرىن دالمە-ءدال كوشىرىپ شىعارۋ قابىلەتتىلىگىمەن الەمدى تاعى ءبىر مارتە تاڭعالدىردى.

شەتەلدىك ب ا ق-تىڭ جازۋىنشا، بۇگىندە قىتايلىق Sophone i6 گادجەتى 4,7-ديۋيمدىك iPhone 6 تەلەفونىنىڭ تۋرا كوشىرمەسى رەتىندە شىعارىلدى. سونىمەن قاتار ونىڭ باعاسى ەكى ەسەگە ارزان كورىنەدى.

شەتەلدىك باسىلىمدارىنىڭ ايتۋىنا قاراعاندا، سمارتفوننىڭ تۇپنۇسقادان ايىرماشىلىعىن ونى قوسقاننان كەيىن عانا بايقاۋعا بولادى، ال سىرتقى قالىبى تۋرا كوشىرىلىپ جاسالعان. اتاپ ايتقاندا، ولاردىڭ سالماعىندا دا قاتتى ايىرماشىلىق جوق، ياعني قىتايلىق نۇسقا 125 گرام بولسا، ءتۇپنۇسقانىڭ سالماعى - 129 گرام. قىتايلىق ءونىم ەكى سيمكالى قۇرىلعىمەن جابدىقتالدى.

وسى ءونىمنىڭ قورابىنا سمارتفوننىڭ ءوزى، قۋات بەرۋ اداپتەرى، USB- كابەل، دىبىس قۇرىلعىسى سالىنعان. وسىنىڭ بارلىعى 139,99 دوللارعا باعالانىپ وتىر.

اۆتور: رۋسلان عابباسوۆ