13:36, 21 - قىركۇيەك 2014 | GMT +5
اق ءۇيدىڭ ماڭىنداعى ەكى وقيعادان كەيىن عيماراتتىڭ كۇزەتى كۇشەيتىلدى
استانا. قازاقپارات - ا ق ش-تىڭ قۇپيا قىزمەتى تاياۋدا ورىن العان ەكى وقيعادان كەيىن اق ءۇي ماڭىنداعى قاۋىپسىزدىك شارالارىن كۇشەيتەتىنىن جاريالادى.
BBC-ءدىڭ جازۋىنشا، جۇما كۇنى پىشاقپەن قارۋلانعان ەر ازامات اتالعان نىساننىڭ كۇزەتىلەتىن اۋماعىنان ءوتىپ، عيماراتتىڭ كىرەبەرىسىنە دەيىن جەتكەن. بۇل وقيعا بويىنشا ومار گونزالەس ەسىمدى ازامات قاماۋعا الىندى.
ال ەكىنشى وقيعا سەنبى كۇنى ورىن العان ەكەن. تاعى ءبىر ەر ازامات اق ءۇيدىڭ قاقپاسىنىڭ الدىنا دەيىن كولىكپەن كەلىپ، وسى جەردەن كەتۋدەن باس تارتقان.
وسىدان كەيىن قىزمەتتىڭ ديرەكتورى دجۋليا پيرسون ا ق ش پرەزيدەنتى رەزيدەنتسياسىنىڭ سولتۇستىك قورشاۋى بويىن باقىلاۋ مەن شولعىنداۋ شارالارىن كۇشەيتۋ تۋرالى بۇيرىق بەردى.
