وباما سيريالىق وپوزيتسياعا قاتىستى زاڭعا قول قويدى
بۇعان دەيىن بۇل ۇسىنىستى ا ق ش كونگرەسىنىڭ ەكى پالاتاسى دا قولداعان بولاتىن. قۇجاتتىڭ اۆتورى اسكەري كۇش قۇرىلىمى كوميتەتىنىڭ ءتوراعاسى گوۆارد ماككەون.
زاڭ قابىلداۋ بارىسىندا داۋىس بەرىلىپ بولعاننان كەيىن وباما «جوسپار بويىنشا ارەكەت ەتىپ، ءبىر ماقساتقا جۇمىلۋىمىز سيرياداعى «يسلام مەملەكەتى» تەررورشىلارىمەن كۇرەستە ا ق ش ازاماتتارىنىڭ ۇستانىمى ءبىرتۇتاس ەكەنىن كورەسەتەدى» دەدى.
سونداي-اق باراك وباما «قازىر اراب ەلدەرىن قوسقاندا 40 قا جۋىق مەملەكەت تەررورشىلارمەن كۇرەسۋ ءۇشىن قۇرىلعان كواليتسيا اياسىنا بىرىگىپ، سيرياعا قول ۇشىن سوزا باستادى» دەگەندى العا تارتتى.
پەنتاگون وكىلدەرىنىڭ مالىمدەۋىنشە، اسكەرۋ وقۋ-جاتتىعۋى جوسپار بويىنشا 2015-جىلى جۇزەگە اسا باستايدى. اسكەري-جاتتىعۋعا بەس مىڭ سيريالىق سارباز قاتىسادى.
ەسكە سالايىق، وباما بۇعان دەيىن دە «يسلام مەملەكەتى» تەررورشىلارىمەن كۇرەسۋگە قاتىستى جاڭا جوسپار قۇرعان بولاتىن. ول جوسپاردى تانىستىرۋ بارىسىندا ا ق ش-تىڭ يراكقا جاياۋ اسكەر كىرگىزبەيتىنىن، سودىرلارعا اۋەدەن سوققى بەرەتىنىن جەتكىزگەن.
سونداي-اق وباما يراك پەن سيرياداعى «يسلام مەملەكەتى» اتتى قارۋلى ەكسترەميستىك سودىرلارىمەن سوعىساتىن كواليتسيا قۇرۋ قاجەتتىگىن دە مالىمدەگەن بولاتىنىن.
