استانادا قايتىس بولعان وقۋشىنىڭ ىسىنە قاتىستى جاڭا مالىمەتتەر

استانا. قازاقپارات - استانادا مەكتەپ وقۋشىسىنىڭ قايتىس بولۋىنا بايلانىستى جاڭا مالىمەتتەر ءتۇستى. جەتىنشى تەلەارنادا شىعاتىن «درۋگيمي سلوۆامي» ساراپتامالىق باعدارلاماسىنىڭ ءتىلشىسى مەكتەپتەگى قايعىلى وقيعاعا كۋا بولعانداردى بەينەتاسپاعا ءتۇسىرىپ العان.

قايتىس بولعان وقۋشىنىڭ سىنىپتاسى قايعىلى وقيعا بولاردا تاريح ءپانى ءوتىپ جاتقانىن ايتتى. «ول (سىنىپتاسىن ۇرىپ جىبەرگەن بالا) بىردەن قولىنا پىشاق الدى. ال قايتىس بولعان بالانىڭ اۋزىنان قان اعىپ جاتىپ: «اپاي، ماعان پىشاق سالىپ ءولتىردى». ال ءبىز نە ىستەرىمىزدى بىلمەي داعدارىپ قالدىق. سىنىپتاسىمىزعا كەڭسە پىشاعى سالىندى»، - دەدى ول. ونىڭ سوزىنە قاراعاندا، سىنىپتاستار ءبىرىنشى ساباقتىڭ وزىندە-اق سوزگە كەلمەي، ەرەگەسىپ قالعان.

ول سونداي-اق، سىنىپتاسىن جەر جاستاندىرعان وقۋشى بۇعان دەيىن قالاداعى 52№- مەكتەپتە وقىعانىن، ماتەماتيكا امالدارىن وڭاي شەشۋ قابىلەتىنىنە يە بولعانىن، ال كەيىنگى جىلدارى ءوز الدىنا قيالي كەيىپتە، كەي ۋاقىتتاردا قىزبالىققا بوي الدىرىپ، اشۋلى جۇرەتىن ايتتى. ءبىر كەزدەرى ول قولىندا كافەلدىڭ سىنىعىن ۇستاعان بويدا سىنىپقا كىرىپ كەلىپ، سىنىپتا وتىرعاندارعا لاقتىرامىن دەپ قورقىتقانىن دا ەسكە الدى.

«ول پارتادا وتىرىپ الىپ، ونى الدەبىرەۋ وسى ىسكە يتەرمەلەگەنىن ايتۋى دا مۇمكىن، ءبىراق ول كەزدە ونىڭ قاسىندا ەشكىم بولعان جوق. سوندىقتان وقۋشىلار نە بولعانىن ۇقپاي دا قالدى. سول سەبەپتى ءبىز ونى تەكسەرۋدەن وتۋگە جىبەردىك»، - دەدى 52№  مەكتەپ ديرەكتورى جاكەش بەكەنوۆا.

استاناداعى 3№- پسيحولوگو-مەديكو-پەداگوگيالىق كونسۋلتاتسياداعىلار الگى وقۋشىنىڭ ساباققا كىرۋىنە رۇقسات بەرمەگەنىن ايتىپ وتىر. بالانىڭ جالپى ءبىلىم بەرەتىن مەكتەپتە ءبىلىم الۋىنا پسيحديسپانسەردەگىلەر بەرگەن. الايدا ونداعىلار قايعىلى وقيعاعا بايلانىستى قاندايدا ءبىر مالىمەت بەرۋدەن باس تارتتى.

ال ك ت ك تەلەارناسى تاراتقان مالىمەتكە قاراعاندا سىنىپتاسىن ۇرىپ ولتىرگەن الگى بالا بۇعان دەيىن دە زاڭعا قارسى ارەكەتتەرگە بارعان ەكەن. ول پاۆلودار وبلىسىندا وقىپ جۇرگەنىندە قۇقىق قورعاۋ ورگاندارىنا تەلەفون شالىپ، عيماراتتا بومبا جاسىرىلعانىن ايتقان ەكەن. ول ۋاقىتتا جالعان اقپارات تاراتقان بالانىڭ اكە-شەشەسى تەك ايىپپۇل تولەۋمەن عانا قۇتىلىپتى.

ەسكە سالامىز، استانادا جاڭادان اشىلعان 76№- مەكتەپتە وقيتىن سەگىزىنشى سىنىپتا وقيتىن وقۋشىلار اراسىندا تۇسىنىسپەۋشىلىك ورىن الىپ، ارتى قايعىلى وقيعاعا ۇلاسقان. ول كەزدە ءبىر وقۋشى ەكىنشى وقۋشىنىڭ كەۋدە تۇسىنان قاتتى زاتپەن ۇرىپ قالعان ەدى. سوققىنىڭ قاتتى بولعانى سونشالىق جاراقات العان وقۋشى اۋرۋحاناعا بارار جولدا جەدەل جاردەم كولىگىندە جان تاپسىرعان ەدى. استانا قالالىق ءى ءى د مالىمدەۋى بويىنشا، 13 جاسار ۇل بالا سىنىپتاسىنىڭ كەۋدەسىن قالامساپپەن ۇرىپ قالعان. مەكتەپ ديرەكتورى بولسا ول ەكەۋى اراسىندا ءبىر بىرىنە بىلاپىت ءسوز ايتىپ، ارازداساتىنداي ەشتەمە بولا قويماعان. وقيعا تەك وقىس قيمىلدان بولعانىن ايتىپ وتىر.

قازىرگى تاڭدا استانا قالالىق ءى ءى د تەرگەۋ الدىنداعى جۇمىستار جۇرگىزۋدە. ونى جۇرگىزۋگە ايىپتالۋشىنىڭ 14 جاسقا كەلمەگەندىگى، ياعني قىلمىستىق جازاعا تارتىلمايتىندىعى سەبەپ بولعان.

Tengrinews.kz