استانا ماڭىندا قازاقتىڭ قۇماي تازىسىنىڭ بايقاۋى باستالدى

استانا. قازاقپارات - بۇگىن استانا قالاسى ماڭىندا ورنالاسقان «بالقاراعاي» دەمالىس كەشەنىندە قازاق قۇماي تازىلارىنىڭ رەسپۋبليكالىق بايقاۋى باستالدى.

«قانسونار» قاۋىمداستىعى قازاق تازى يتتەرىنىڭ شىعۋ تەگى قازاقستان اۋماعىنان تاراعانىن دالەلدەمەك. سونىمەن بىرگە، ناعىز قازاقى قۇماي تازى ولشەمىنە تولعان تازى يتتەردى ىرىكتەپ، سەرتيفيكات بەرمەك»، - دەلىنگەن تاراتىلعان مالىمەتتە.

ءىس-شارا اياسىندا تازى يتتەردىڭ كورمەسى، تازى يتتەردىڭ جارىسى، بۇركىتتەردىڭ باسەكەسى، سونىمەن بىرگە، كونسەرتتىك باعدارلاما كورەرمەن نازارىنا ۇسىنىلادى.

ۇيىمداستىرۋشىلار بايقاۋدى «بالقاراعايدا» وتكىزۋدى ۇيعاردى. سەبەبى، دەمالىس كەشەنىنىڭ ورنالاسقان جەرى مەن كولەمى ىڭعايلى، ءارى مۇنداي شارانى ۇيىمداستىرۋعا ينفراقۇرىلىمى ساي كەلەدى.

بۇل بايقاۋ بۇگىن قازاقستاننىڭ بارلىق اۋماعىنان تازى وسىرۋمەن اينالىساتىندار جينالادى. شارانىڭ ماقساتى - قازاق حالقىنىڭ يگىلىگى مەن تاريحي-مادەني مۇراسىنىڭ ءبىر بولىگى بولىپ تابىلاتىن قازاق تازىسىن ساقتاپ قالۋ جانە ونى بارىنشا تانىستىرىپ، ناسيحاتتاۋ.

ءىس-شارانى ق ر ۇلتتىق سپورت تۇرلەرى قاۋىمداسىعىنا قاراستى «قۇماي» فەدەراتسياسى مەن رەسپۋبليكالىق «قانسونار» قاۋىمداستىعى بىرلەسە ۇيىمداستىردى.

اۆتور: رۋسلان عابباسوۆ