07:37, 22 - قىركۇيەك 2014 | GMT +5
ازيا ويىندارىندا قازاقستان العاشقى التىنئن الدى
استانا. قازاقپارات - وڭتۇستىك كورەيانىڭ ينحچون قالاسىندا الاۋى تۇتانعان ازيا ويىندارىنا ايەلدەر اراسىندا 48 كەلى سالماقتا ونەر كورسەتكەن قازاقستاندىق اۋىر اتلەتشى مارگاريتا ەليسەيەۆا التىن مەدال يەلەندى.
م. ەليسەيەۆا جۇلقا كوتەرۋ سىنىنىڭ باستاپقى تاپسىرىسىندا 82 كەلىنى ەركىن كوتەرسە، ودان كەيىنگى مۇمكىندىكتەرىندە 86, 87 كەلىلىك زىلتەمىردى ەركىن باعىندىرىپ، بۇل جاتتىعۋدا ءوزىنىڭ ۇزدىك ەكەندىگىن دالەلدەگەن بولاتىن.
ال سەرپە كوتەرۋ سايىسىندا 101, 107 كەلىنى ەركىن ەڭسەرگەن سپورتشىمىز ەكى سايىستىڭ قورىتىندىسى بويىنشا 194 كەلىنى باعىندىرىپ ازيا ويىندارىنىڭ چەمپيونى اتاندى.
اۆتور: مارلان جيەمباي
