شوتلانديا تاۋەلسىزدىك الماۋى مۇمكىن

استانا. قازاقپارات - شوتلاندياداعى رەفەرەندۋمنىڭ العاشقى ناتيجەلەرى شىعا باستادى. كوميسسيا مۇشەلەرى كلاكماننانشير وبلىسىنداعى داۋىس بەرۋشىلەردىڭ بيۋللەتەندەرىن تولىق ساناپ شىققان.

ناتيجەسىندە، تاۋەلسىزدىككە قارسى جەرگىلىكتى تۇرعىنداردىڭ 54 پايىزى داۋىس بەرسە، قالعان 46 سى جاقتاپتى. بۇل ازىرگە ءبىر عانا وبلىستىڭ ناتيجەلەرى. ءالى ماماندار 31 وكرۋگتەگى جاعدايدى انىقتاۋى ءتيىس. ال، كلاكماننانشير بولسا شوتلاندياداعى ەڭ كىشكەنتاي وبلىس ورتالىعى. مۇندا بارلىعى 40 مىڭداي تۇرعىنى بار. داۋىس بەرۋگە ولاردىڭ 88 پايىزى قاتىسىپتى. ال، جالپى ەلدە رەفەرەندۋمعا قاتىسقان حالىقتىڭ سانى باسىم، شامامەن 80-90 پايىز. شوتلانديانىڭ تاۋەلسىزدىگى سول حالىقتىڭ قولىندا.

Baq.kz