قىتايلىق ستۋدەنت قىمبات تەلەفون ساتىپ الۋ ءۇشىن ءسوز بايلاسقان قىزىن اقشاعا جالعا بەرگەن - فوتو
«كليەنتتەردەن» ول ساعاتىنا 10 يۋاننان (300 تەڭگە كولەمىندە) ، ايىنا 500 يۋانعا (15 مىڭ تەڭگە) دەيىن الىپ وتىرعان. ءوز قىزىن جارنامالاپ جۇرگەن فوتوسى قىتايلىق Weibo الەۋمەتتىك جەلىسىنە كەڭىنەن تارالىپ كەتتى.
اقشا جيناۋدىڭ ەرەكشە ءتاسىلىن قولدانعان ستۋدەنتتىڭ ەسىمىن اتاماي South China Morning Post جازدى. باسىلىم جاريالاعان فوتوسۋرەتتەرىنىڭ بىرىندە جاس جىگىت قىزمەت قۇنى جازىلعان پلاكاتپەن كورسەتىلگەن.
ەكىنشى تۇسىرىلىمدە قىز كورىنىپ تۇر، الايدا بەتى بۇركەمەلەنگەن. تاۋەكەلشىل قىتايلىق قىزدىڭ سۋرەتىن ءوز ۇسىنىسى قىزىقتىرعان ادامدارعا كورسەتكەن. ال قىز ونىڭ اقشا جيناۋى ءۇشىن بۇل قادامعا ءوز ەركىمەن كەلىسكەن. قىز تۋرالى كوپ ەشتەڭە جازىلماعان.
اقشا تولەپ، قىزبەن تۇسكى اس ىشۋگە، ويىن ويناۋعا، كەزدەسۋگە بارۋعا بولادى. ستۋدەنت باسقا ارەكەتكە جول بەرىلمەيتىنىن ايتقان. ال قىز بەن جىگىت قاشاننان بەرى كەزدەسىپ جۇرگەندەرى جايىندا، سونىمەن بىرگە قانشا اقشا جينالعانى تۋرالى ايتىلماعان.
