00:08, 19 - قىركۇيەك 2014 | GMT +5
استانادا ساقشى قىزمەتكەرى جاتتىعۋدان كەيىن كوز جۇمدى
استانا. قازاقپارات - ءى ءى م قىزمەتكەرى، 34 جاستاعى ايەل ادام، استانادا جاتتىعۋ زالىندا جاتتىعۋدان كەيىن كوز جۇمدى.
بۇل تۋرالى قازاقپارات تىلشىسىنە مينيسترلىكتىڭ رەسمي وكىلى نۇردىلدا وراز مالىمدەدى.
«17 - قىركۇيەك كۇنى «الاتاۋ» سپورت كەشەنىنىڭ جاتتىعۋ زالىندا 34 جاستاعى ءى ءى م قىزمەتكەر جاتتىعۋدان كەيىن كوز جۇمدى. ول 15-17 - قىركۇيەك ارالىعىندا ءوز ەركىمەن جاتتىعۋ زالىنا بارىپ جۇرگەن. بۇرىن ول جاتتىعۋ زالىنا بارماعان» ، - دەپ اتاپ ءوتتى ن. وراز.
ونىڭ ايتۋىنشا، ەس- ءتۇسسىز جاتقان ءى ءى م قىزمەتكەرىنە ەڭ العاشقى مەديتسينالىق كومەكتى كەشەننىڭ مەدبيكەسى كورسەتكەن. الايدا تەز ارادا جەتكەن «جەدەل جاردەم» دارىگەرلەرى ايەلدىڭ ءومىرىن ساقتاپ قالا المادى.
«سوت- مەديتسينالىق ساراپتاما جۇمىستارى جۇرگىزىلىپ جاتىر. ايەل ءولىمىنىڭ انىق- قانىعى زەرتەلۋدە» ، - دەدى ن. وراز.
اۆتور: ءابۋ- اسقار مەكەش ۇلى
