قىتايداعى قازاقستان ەلشىلىگى قازاقستاندىقتار ءۇشىن «جەدەل جەلى» اشتى

 بەيجىڭ. قازاقپارات - ق ح ر- داعى قازاقستاننىڭ كونسۋلدىق قىزمەتىنىڭ وكىلدەرى قازىرگى ۋاقىتتا قىتاي اۋداندارىندا تايفۋنىنان زارداپ شەككەندەردىڭ ىشىندە قازاقستان ازاماتتارى بار- جوعىن باقىلاۋعا الدى.

 قايتىس بولعان نەمەسە زارداپ شەككەن وتانداستارىمىز جايلى دەرەكتەر ازىرگە جوق.

 قىتايداعى ق ر ەلشىلىگىندە قازاقستان ازاماتتارىنا كومەك كورسەتۋ ءۇشىن «جەدەل جەلى» قىزمەتى اشىلدى. ول جەردەن قىتايداعى تۋىستارىنىڭ جاعدايىن بىلۋگە بولادى. جەلىنىڭ تەلەفون نومىرلەرى: : 13718504917 (بەيجىڭ) ، 85259647112 (گونكونگ) .

تايفۋن سەيسەنبى، 16- قىركۇيەكتە حاينان پروۆينتسياسىنىڭ جاعالاۋىنا جەتتى. سەكۋندىنا 40 مەتر جىلدامدىقپەن داۋىلدى جەل مەن كۇشتى نوسەر ارالدىڭ سولتۇستىك- باتىسى بولىگىندەگى ايماقتاردى قيراتۋدا.

 داۋىلعا بايلانىستى حاينان پروۆينتسياسىنىڭ حايكوۋ قالاسىندا «مەيلان» حالىقارالىق اۋەجايىندا 100-دەن استام رەيس، ساينيا قالاسىندا «فەنحۋان» اۋەجايىندا 60 تان استام رەيس توقتاتىلدى.

 مەتەورولوگتاردىڭ بولجامى بويىنشا، گۋاندۋڭ پروۆينتسياسىنىڭ حاينان ارالىنداعى، يۋننان مەن گۋاڭشي- چجۋناسك اۆتونوميالىق اۋدانىنداعى نوسەر جاۋىن مەن كۇشتى جەل بەيسەنبىگە دەيىن سوزىلماق.

داۋىل سالدارىنان قاۋىپتى ايماقتارداعى مەكتەپتەر، مەكەمەلەر، بانكتەر جابىلدى. قور بيرجاسىنداعى تاڭەرتەڭگىلىك سەسسيا كەيىنگە قالدىرىلدى. چەك لاپ كوك اۋەجايىندا ونداعان اۋە رەيستەرى توقتاتىلدى.

 «كالمەدجي» تايفۋنى تولاسسىز جاۋىن- شاشىن مەن جەل جىلدامدىعى جاعىنان اعىمداعى جىلعى شىلدەدە قىتايدا 60 ادامنىڭ ءومىرىن قيعان «رامماسۋن» تايفۋنىمەن سالىستىرىلۋدا.