08:01, 17 - قىركۇيەك 2014 | GMT +5
ءتورت كۇن بويى قيراعان عيماراتتىڭ استىندا قالعان ايەل امان قالدى
استانا. قازاقپارات - قۇتقارۋشىلار نيگەريادا لاگوستاعى توبەسى ورتاسىنا تۇسكەن ءدىني ورتالىق عيماراتىنىڭ استىندا قالعان ايەلدى ءتورت كۇننەن سوڭ شىعارىپ الدى.
ول اۋرۋحاناعا جاتۋدان باس تارتىپ ۇيىنە كەتكەن.
ايەلدىڭ جاراقاتى جەڭىل، تەك قولدارى عانا ىسىنگەن. بۇل اپاتتان اجال قۇشقانداردىڭ سانى 60 قا جەتتى، 130 ادام جاراقاتتاندى.
«سيناگوگا - بارلىق ۇلتتاردىڭ شىركەۋى» دەپ اتالاتىن ءدىني ۇيىمنىڭ قوناقتارعا ارنالعان ءۇيى 12- قىركۇيەكتە اياق استىنان توبەسى وپىرىلىپ ءتۇستى. اپاتتىڭ نەدەن بولعانى ازىرگە بەلگىسىز بولىپ وتىر.
