كوكشەتاۋدا «قازاقستاننىڭ بولاشاعى - قازاق تىلىندە» مەملەكەتتىك ءتىلدى ناسيحاتتاۋ شاراسى ءوتتى
بۇل تۋرالى "اقمولا مەديا ورتالىعى" حابارلادى.
قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011 - 2020 - جىلدارعا ارنالعان مەملەكەتتىك باعدارلاماسىن ىسكە اسىرۋ ماقساتىندا ەلىمىزدىڭ سولتۇستىك وڭىرلەرىندە (اقمولا، قوستاناي، سولتۇستىك قازاقستان وبلىستارىندا) ق ر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ باستاماسىمەن ورىس ءتىلدى ازاماتتارعا "قازاقستاننىڭ بولاشاعى - قازاق تىلىندە" مەملەكەتتىك ءتىلدى ناسيحاتتاۋ شارالارى وتكىزىلۋدە.
شارانىڭ نەگىزگى ماقساتى ورىس ءتىلدى ازاماتتار اراسىندا قازاق ءتىلىنىڭ مەملەكەتتىك ءتىل رەتىندەگى مارتەبەسى، قازاق ءتىلىنىڭ قازاقستانداعى ەتنوستاردىڭ بىرلىگى مەن ىنتىماعىنىڭ كەپىلى رەتىندەگى، قازاق ءتىلىنىڭ قوعامدىق كوپشىلىك ورىندارداعى، قازاق ءتىلىنىڭ جاس ۇرپاق تاربيەسىندەگى، پاتريوتتىق، قازاق ءتىلىنىڭ عىلىم- ءبىلىم، جاڭا تەحنولوگيا سالاسىنداعى قىزمەتتەرى تۋراسىندا ءسوز قوزعاۋ، پىكىر الماسۋ بولىپ تابىلادى.
اتالعان جوبا اياسىندا بارلىعى 18 شارا وتكىزۋ جوسپارلانعان ەدى. وسى ۋاقىتقا دەيىن 17-19 - شىلدە ارالىعىندا قوستاناي وبلىسىنىڭ قارابالىق، سارىكول، دەنيسوۆ اۋداندارىندا، 13-15 - تامىز ارالىعىندا سولتۇستىك قازاقستان وبلىسىنىڭ اققايىڭ، تايىنشا، قىزىلجار اۋداندارىندا «دوڭگەلەك ۇستەلدەر» ۇيىمداستىرىلدى.
اقمولا وبلىسىندا 30 - شىلدە كۇنى اقكول اۋدانىندا، 31 - شىلدەدە بۇلاندى اۋدانىندا، 1 - تامىزدا ساندىقتاۋ اۋدانىندا قازاقستان حالقى اسسامبلەياسىنىڭ عىلىمي- ساراپتاما كەڭەسىنىڭ مۇشەسى، قوعام قايراتكەرى كوشىم دوسماعانبەت قالماقان ۇلى، «EDTECH-KZ» حالىقارالىق ءبىلىم ورتالىعىنىڭ باس ديرەكتورى عاني بەيسەمبايەۆ، قازاقستان حالقى اسسەمبلەياسىنىڭ جانىنداعى ورىس قاۋىمى جاستار قاناتىنىڭ ءتورايىمى ولگا ناگايەۆا ، اقمولا وبلىسى تىلدەردى دامىتۋ باسقارماسىنىڭ باسشىسى ارمان بەرداليننىڭ قاتىسۋىمەن «دوڭگەلەك ۇستەلدەر» ءوز دەڭگەيىندە ءوتتى.
وسى جوبانىڭ جالعاسى رەتىندە جۇمىس توبى ستەپنوگور جانە كوكشەتاۋ قالالارىنا كەلىپ، ستۋدەنت جاستارمەن كەزدەسىپ، وي ءبولىسىپ قايتتى. 15 - قىركۇيەك كۇنى ستەپنوگور قالاسىنىڭ №2 يندۋستريالدىق-تەحنيكالىق كوللەدجىندە وتكەن ستۋدەنتتەرمەن كەزدەسۋگە 40 تان اسا ستۋدەنت، جەرگىلىكتى ب ا ق وكىلدەرى، تاريح ءپانىنىڭ مۇعالىمدەرى، سونداي-اق قالا اكىمىنىڭ ورىنباسارى، قالالىق مادەنيەت جانە تىلدەردى دامىتۋ ءبولىمىنىڭ قىزمەتكەرلەرى قاتىستى.
كەزدەسۋدىڭ مودەراتورى بولعان دوسماعانبەت كوشىم جاستارعا قازاق ءتىلىنىڭ ماڭىزدىلىعىن ۇعىندىرا وتىرىپ، ولاردىڭ دا بۇل ماسەلەگە دەگەن كوزقاراسىن ءبىلۋ ءۇشىن اڭگىمەگە تارتتى. شارا سوڭىندا كوللەدج كىتاپحاناسى ۇيىمداستىرعان كورمە تاماشالانىپ، تىلدەردى دامىتۋ جانە قوعامدىق-ساياسي جۇمىس كوميتەتى ۇسىنعان 200 گە جۋىق كىتاپ تەگىن تاراتىلدى.
ال، كەشە جۇمىس توبى كوكشەتاۋ قالاسىنا كەلىپ، وسىعان وراي ءبىرقاتار شارالار ءوتتى. قازاقستان حالقى اسسامبلەياسىنىڭ عىلىمي-ساراپتاما كەڭەسىنىڭ مۇشەسى، قوعام قايراتكەرى كوشىم دوسماعانبەت قالماقان ۇلى، «ۇلت تاعدىرى-اقمولا» قوعامدىق بىرلەستىگىنىڭ ءتوراعاسى تولەگەن حاسەنوۆ، وبلىستىق تىلدەردى دامىتۋ باسقارماسىنىڭ باسشىسى ارمان بەرداليننىڭ قاتىسۋىمەن «كوكشە» اكادەمياسى مەن ا. مىرزاحمەتوۆ اتىنداعى كوكشەتاۋ ۋنيۆەرسيتەتىندە وتكەن كەزدەسۋلەرگە ورىس ءتىلدى توپتاردا وقيتىن ستۋدەنتتەر، وقۋ ورىندارىنىڭ باسشىلىعى قاتىستى. قالالىق كىتاپحانا مەن تىلدەردى وقىتۋ ورتالىعى «قازاقستاننىڭ بولاشاعى - قازاق تىلىندە» اتتى كورمە ۇيىمداستىرىپ، تىلدەردى دامىتۋ جانە قوعامدىق-ساياسي جۇمىس كوميتەتى جولداعان 200 دەن اسا كىتاپ ستۋدەنتتەرگە تەگىن تاراتىلدى.
سونداي-اق، جوبا اياسىندا اقمولا مەديا ورتالىعىندا وبلىستىق تىلدەر اپتالىعى اياسىندا ب ا ق وكىلدەرىنىڭ قاتىسۋىمەن بريفينگ ءوتتى. بريفينگ بارىسىندا اقمولا وبلىسى تىلدەردى دامىتۋ باسقارماسىنىڭ باسشىسى ا. بەردالين تىلدەردى دامىتۋ مەن قولدانۋدىڭ 2011-2020 - جىلدارعا ارنالعان مەملەكەتتىك باعدارلاماسىنىڭ اقمولا وبلىسىندا جۇزەگە اسىرىلۋى تۋرالى بايانداسا، د. كوشىم مەملەكەتتىك ءتىلدىڭ قوعامداعى ماڭىزدىلىعى جانە ونىڭ بولاشاعى تۋرالى اڭگىمە قوزعادى.
اقمولا وبلىسىندا وتكەن «دوڭگەلەك ۇستەلدەر»، ستۋدەنتتەرمەن كەزدەسۋلەر، بريفينگ جەرگىلىكتى تۇرعىنداردىڭ ىشىندە مەملەكەتتىك تىلگە دەگەن جاعىمدى كوزقاراستى تۋدىرىپ، قازاق ءتىلىن مەڭگەرۋگە دەگەن ىنتانى ارتتىرۋعا ۇلەسىن قوستى. مەملەكەتتىك ءتىلدىڭ كونستيتۋتسيالىق جاعدايى سولتۇستىك وڭىرلەردە سىن كوتەرمەيتىنى انىق، سوندىقتان وسىنداي شارالاردىڭ، اسىرەسە، اقمولا وبلىسىندا ءوتۋى ءجوندى.
اۆتور: اسلان وسپانوۆ
