14:07, 16 - قىركۇيەك 2014 | GMT +5
نورۆەگيا پرەمەر-ءمينيسترى پايعامبار (س. ع. س.) حاديسىن مىسالعا كەلتىردى
استانا. قازاقپارات - نورۆەگيانىڭ پرەمەر-ءمينيسترى ەرنا سولبەرگ «يسلام مەملەكەتىن» قۇرامىز دەگەن راديكالشىلاردىڭ قىلىعىنا نارازىلىق رەتىندە ۇيىمداستىرىلعان شەرۋ كەزىندە ارداقتى پايعامبارىمىز مۇحاممەدتىڭ (س. ع. س. ) حاديسىن مىسالعا كەلتىرىپ، جۇرتتى تاڭىرقاتتى.
ءتۇرلى ەتنيكالىق جانە ءدىني توپتاردان قۇرالعان مىڭداعان نورۆەگيالىقتاردىڭ الدىندا ەل پرەمەرى ءوز نارازىلىعىن وسىلاي ءبىلدىردى.
«كىمدە-كىم جات ءىستى كورسە قولىمەن وزگەرتسىن (توقتاتسىن)، وعان شاماسى كەلمەسە تىلىمەن وزگەرتسىن (توقتاتسىن)، وعان شاماسى كەلمەسە جۇرەگىمەن. بۇل - يماننىڭ ەڭ ءالسىزى» دەگەن پايعامبار (س. ع. س.) حاديسىن ۇتىمدى قولدانعان ەرنا يگيش-تىڭ جاساپ وتىرعانى يسلام دىنىنە جات قىلىق ەكەنىن، ونى توقتاتۋ كەرەكتىگىن ايتتى.
ايتا كەتەيىك، وسلو قالاسىنداعى پارلامەنت ءۇيى الدىندا بولعان نارازىلىق شەرۋىنە ەلدىڭ پرەمەر-مينيسترىنەن باسقا دا كوپتەگەن ساياساتكەرلەر قاتىستى.
muslim.kz
