عالىمدار جۇمىسقا جاياۋ بارۋدىڭ جۇيكەگە پايداسى بار ەكەنىن دالەلدەدى

استانا. قازاقپارات - جۇمىسقا جاياۋ نەمەسە ۆەلوسيپەدپەن باراتىندار كۇيزەلىسكە ۇشىراي قويمايدى جانە كولىككە مىنگەندەرگە قاراعاندا جاعدايعا دەن قويۋ قابىلەتى دە جوعارى بولادى.

مۇنداي تۇجىرىمعا شىعىس انگليا ۋنيۆەرسيتەتىنىڭ عالىمدارى 18 جىل ارالىعىندا 18 مىڭ بريتاندىققا جۇرگىزگەن ساۋالناما ناتيجەسىندە كەلىپ وتىر. زەرتتەۋ جاياۋ نەمەسە ۆەلوسيپەدپەن جۇمىسقا بارۋ عانا ەمەس، سونىمەن بىرگە جەكە كولىككە قاراعاندا، قوعامدىق كولىكتە ءجۇرۋدىڭ وڭ اسەر بەرەتىنىن كورسەتكەن.

اۆتوبۋستا، پويىزدا، ستانسادا ادامدارعا بوي جازىپ، كىتاپ وقۋىنا مۇمكىنشىلىك بار. «زەرتتەۋ كولىكتە كوپ جۇرگەن ادامداردىڭ پسيحولوگيالىق جاعدايى ناشارلاي تۇسەتىنىن كورسەتتى. جانە تيىسىنشە، ادامدار جۇمىسقا ۇزاق ءجۇرىپ بارسا، ءوزىن جاقسى سەزىنەدى»، - دەپ سانايدى Preventive Medicine جۋرنالىندا جاريالانعان ماقالاسىندا ادام مارتين.