08:18, 15 - قىركۇيەك 2014 | GMT +5
دەپۋتاتتىققا ۇمىتكەر وزىنە-ءوزى قول جۇمساعان
استانا. قازاقپارات - ۋلان-ۋدەدە دەپۋتاتتار كەڭەسىنە ۇمىتكەر الەكساندر تولستوۋحوۆ داۋىس بەرۋگە ءبىر كۇنى قالعاندا وزىنە-ءوزى قول جۇمساپ كوز جۇمدى، دەپ حابارلايدى ينتەرفاكس.
«الەكساندر تولستوۋحوۆتىڭ دەنەسى سۋيتسيد بەلگىلەرىمەن ونىڭ پاتەرىنەن سەنبى كۇنى كەشكە تابىلدى»، - دەپ حابارلايدى بۋرياتيا رەسپۋبليكاسى بويىنشا رەسەي تەرگەۋ كوميتەتىنىڭ باسشىسىنىڭ كومەكشىسى ەلەنا ديموۆا.
جەرگىلىكتى ب ا ق-تىڭ حابارلاۋىنشا، كانديداتتىڭ دەنەسىنىڭ جانىنان ونىڭ ولەر الدىندا جازعان حاتى تابىلعان. اتالعان ىسكە قاتىستى ر ف ق ك 110- بابى بويىنشا (ولىمگە دەيىن جەتكىزۋ) قىلمىستىق ءىس قوزعالدى.
