ۇ ب ت- عا قاتىسۋشى تۇلەكتەر اراسىندا وزىنە- ءوزى قول سالۋ وقيعاسى بيىل تۇڭعىش رەت ورىن العان جوق

استانا. قازاقپارات - ۇلتتىق ءبىرىڭعاي تەستىلەۋ وتكىزىلىپ كەلە جاتقاننان بەرى بيىل تۇڭعىش رەت تۇلەكتەر اراسىندا وزىنە- ءوزى قول سالۋ وقيعاسى ورىن العان جوق.

 بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە اتا- انالار ينستيتۋتىنىڭ باس ديرەكتورى سوفيا ەۆدوكيموۆا ايتتى.

 ونىڭ مالىمەتىنشە، بۇل ارادا بيىلعى مامىر ايىندا وتىرعان اتا- انالارعا ارنالىپ وتكىزىلگەن بالانى ۇ ب ت- عا (مەملەكەتتىك ەمتيحان) قالاي دايىنداۋ كەرەكتىگى جونىندەگى كونفەرەنتسيا ۇلكەن ناتيجە بەردى.

 «ايتا كەتەيىن، 18-  مامىر - حالىقارالىق وتباسى كۇنىندە اتا- انالار ينستيتۋتى «نۇر وتان» پارتياسىمەن جانە ق ر ءبىلىم جانە عىلىم مينيسترلىگىمەن بىرلەسە وتىرىپ، مەكتەپ تۇلەكتەرىنىڭ اتا- انالارىنا ارنالعان كونفەرەنتسيا وتكىزدى. ول «جاسوسپىرىمدەردى ۇ ب ت- عا دايىنداۋ كەزىندەگى اتا- انالارعا پسيحولوگيالىق كومەك» دەپ اتالعان بولاتىن. بۇل جينالىستىڭ ەڭ ۇلكەن جەتىستىگى سول - ۇ ب ت وتكىزىلىپ كەلە جاتقان 10 جىل ىشىندە بيىل تۇڭعىش رەت سۋيتسيد وقيعاسى تىركەلمەدى» ، - دەپ اتاپ ءوتتى س. ەۆدوكيموۆا.

 ونىڭ ايتۋىنشا، مەكتەپ وقۋشىلارىن مۇنداي ومىرلىك سىناقتارعا ءبىرىنشى سىنىپتان باستاپ دايىنداۋ كەرەك. ايتا كەتەيىك، ەرتەڭ، 14 -  قىركۇيەكتە «ءبىرىنشى سىنىپ وقۋشىلارىنىڭ اتا- انالارىنا پسيحولوگيالىق كومەك» اتتى رەسپۋبليكالىق كونفەرەنتسيا وتەدى. ول قازاقستاننىڭ 17 قالاسىنداعى 250 مەكتەپتە ءبىر مەزگىلدە وتەدى. الدىن- الا جوسپار بويىنشا كونفەرەنتسياعا 170 مىڭنان استام اتا- انا قاتىسادى.

«ءبىز، اتا- انالار، قىزىقتى ەمەس ءارى بالالاردىڭ وقۋعا قۇشتارلىعىن وياتپايتىن مەكتەپ فورماتىنان باس تارتتىق. بارلىعىن باسقاشا جاساپ شىقتىق. بارلىق سۇراقتارعا تۇشىمدى جاۋاپ بەرۋگە مۇمكىندىك اشاتىن ستسەناري ازىرلەدىك» ، - دەيدى سوفيا ەۆدوكيموۆا.

اۆتور: ءابۋ- اسقار مەكەش ۇلى