07:24, 07 - قىركۇيەك 2014 | GMT +5
قىرعىز ەلىنەن قارۋ الىپ وتپەكشى بولعان قازاقستان ازاماتى ۇستالدى
استانا. قازاقپارات - قىرعىزستان شەكاراشىلارى شەكارا ارقىلى قارۋ وتكىزبەك بولعان قازاقستاندىقتى ۇستادى، دەپ حابارلادى كيرتاگ.
كەشە «چالدىبار- اۆتودوروجنىي» وتكىزۋ پۋنكتىنىڭ شەكاراشىلارى قازاقستان ازاماتىنا تيەسىلى كولىكتى تەكسەرۋ بارىسىندا 9 م م كاليبرلى ماكاروۆ پ م-ت تراۆماتيكالىق تاپانشاسىن، سەگىز پاترون، تۇتىندىك قارۋ تاركىلەدى. ول قىرعىزستاننان قازاقستانعا وتپەكشى بولعان»، - دەپ حابارلادى سەنبى كۇنى ق ر مەملەكەتتىك شەكارا قىزمەتىنىڭ قوعاممەن بايلانىس بولىمىنە سىلتەمە جاساي وتىرىپ كيرتاگ.
ءتيىستى قۇجاتتاردى تولتىرعاننان كەيىن ۇستالعان ازامات پەن تاركىلەنگەن زاتتار پانفيلوۆ ا ى ى ب قىزمەتكەرلەرىنە تاپسىرىلدى.
