07:37, 05 - قىركۇيەك 2014 | GMT +5
بوكستان الەم چەمپيونىن پىشاقتاپ كەتتى
استانا. قازاقپارات - حالىقارالىق بوكس فەدەراتسياسىنىڭ نۇسقاسى بويىنشا 66,7 كەلى سالماق ساناتىنداعى كاسىبي بوكستان الەم چەمپيونى بريتاندىق كەلل برۋك اۋرۋحاناعا ءتۇستى.
ونى يسپانياداعى تەنەريف كۋرورتىندا پىشاقتاپ كەتكەن. بۇل تۋرالى بريتاندىق ب ا ق حابارلادى.
28 جاستاعى بريتاندىق بوكسشى گولف- دەل- سۋر كۋرورتىندا ساۋىق كەشىندە اياعىنان پىشاق جاراقاتىن الدى. ونىڭ جاعدايى تۇراقتى دەپ باعالانۋدا، الايدا كوپ قان جوعالتقان.
برۋكتىڭ جارالانۋىنىڭ ءمان- جايى تەرگەلۋدە. كۇدىكتىنى تۇتقىنداعانى تۋرالى اقپارات ازىرگە جوق.
كەللە برۋك 2014 - جىلعى 16 - تامىزدا برۋك شونا پورتەردى جەڭىپ (شونا پورتەردىڭ ءوز مانسابىنداعى العاشقى جەڭىلىسى) ، IBF نۇسقاسى بويىنشا ورتاشا سالماقتا الەم چەمپيونى اتانعان ەدى. برۋك 33 رەت جەكپە- جەككە شىعىپ، بارلىعىندا جەڭىسكە جەتكەن (22 سى نوكاۋتپەن).
