02:10, 04 - قىركۇيەك 2014 | GMT +5
استانادا تىلدەر فەستيۆالى اياسىندا ءبىرقاتار شارالار ۇيىمداستىرىلادى
استانا. قازاقپارات - استانادا تىلدەر فەستيۆالى وسىمەن ون التىنشى رەت وتكىزىلىپ وتىر. بيىلعى شارا 5 - قىركۇيەكتە باستالىپ، 19- قىركۇيەككە دەيىن جالعاسادى.
ەلوردالىق تىلدەردى دامىتۋ باسقارماسى قىزمەتكەرلەرىنىڭ ايتۋىنشا، شارانىڭ اشىلۋ سالتاناتى ەرەكشە بولماق.
بۇل كۇنى استانا ۇلتتىق سۋرەت گالەرەياسىندا ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ارتىستەرى مەن بەلگىلى وتاندىق ارتىستەر باۋىرجان يسايەۆ، جاڭاباي وتەگەنوۆ، مارجان اراپبايەۆا مەن ارداق بالاجانوۆا ونەر كورسەتەدى. سونىمەن قاتار «ناز» بي تەاترى، بەلگىلى ايتىسكەر اقىندار بالعىنبەك يماشيەۆ پەن اسەم ەرەجەپ قىزى ايتىسىپ، شەبەرلىك بايقاستى.
فەستيۆال اياسىندا ەلوردادا ءتۇرلى بايقاۋلار، شىعارماشىلىق كەشتەر مەن كونتسەرتتەر ۇيىمداستىرىلادى. ماقساتى - مەملەكەتتىك ءتىلدىڭ مارتەبەسىن، قوعامداعى ءرولىن ارتتىرۋ، دەپ حابارلانعان ەلوردا اكىمدىگىنىڭ رەسمي سايتىندا.
