ورىنبوردا «قازاقستاننىڭ ءتورت استاناسى» كورمەسى ءوتتى
«سوۆەت كوشەسى بويىنداعى جاياۋ جۇرگىنشىلەرگە ارنالعان الاڭدا اشىق اسپان استىندا ۇيىمداستىرىلعان ەرەكشە اكسيا - «قازاقستاننىڭ ءتورت استاناسى» اتتى كورمە كوپتەگەن ورىنبورلىقتاردىڭ نازارىن وزىنە اۋداردى.
قازاقستان رەسپۋبليكاسىنىڭ ورتالىق مەملەكەتتىك كينوفوتوقۇجاتتار جانە دىبىس جازبالارى مۇراعاتى دايىنداعان كوشپەلى ەكسپوزيتسيا جەرگىلىكتى مۇراعاتشىلار مەن مۇراجاي قىزمەتكەرلەرىن عانا ەمەس، سونىمەن بىرگە ورىنبور قالاسىنىڭ ۇلتتىق- مادەني اۆتونوميالارىنىڭ وكىلدەرىن دە قىزىقتىردى. كوپتەگەن ادامدار 1920-1925 - جىلدارى ارالىعىندا ورىنبور قازاقستاننىڭ ءبىرىنشى استاناسى بولعاندىعىن العاش رەت ءبىلىپ، كورشى مەملەكەتتىڭ باسقا دا تاريحي استانالارىنىڭ وتكەنى مەن بۇگىنىنەن مول ماعلۇمات الدى»، دەلىنگەن حابارلامادا.
قازاق رەسپۋبليكاسىنىڭ تۇڭعىش قۇرىلتايشىلار سيەزى وتكەن عيماراتقا قارسى ورنالاسقان ورىنبوردىڭ ورتالىق كىتاپحاناسىندا الماتى قالاسىنىڭ مۇراعاتى ازىرلەگەن قازاق كينوحرونيكاسىنىڭ بىرەگەي كادرلارىمەن دە تانىسۋ مۇمكىندىگى تۋىندادى.
سونىمەن قاتار ⅩⅩ عاسىرداعى تالانتتى قىلقالام شەبەرلەرىنىڭ ءبىرى سەرگەي كالمىكوۆقا ەسكەرتكىش تاقتا ورناتىلدى. ايتا كەتەرلىگى، 1967- جىلى ومىردەن وزعان سەرگەي كالمىكوۆتىڭ تۋىندىلارى 2000 - جىلدىڭ باسىندا كەڭ تانىمالدىققا يە بولعان ەدى.
اۆتور: مارلان جيەمباي
