10:12, 01 - قىركۇيەك 2014 | GMT +5
ماڭعىستاۋدا قۇراندا اتى اتالاتىن قاسيەتتى وسىمدىك وسىرىلمەك
استانا. قازاقپارات - ماڭعىستاۋدا قۇراندا اتى اتالاتىن قاسيەتتى زايتۇن اعاشى ءوسىرىلۋى مۇمكىن، دەپ جازادى muslim.kz.
«فەرمالارىمىزدىڭ ءبىرى ەلىمىزدە زايتۇن اعاشىن ءوسىرۋدى ۇسىنىپ وتىر. ول ءۇشىن تۇزدى سۋ كەرەك. ال ونداي سۋ ماڭعىستاۋ وڭىرىندە كەزدەسەدى. اۋىل شارۋاشىلىق مينيسترلىگىندە بۇل ويىمىز قولداۋ تابۋى ءۇشىن ءبىز بۇل ماسەلەنى كوتەرەتىن بولامىز»، - دەدى قازاقستان رەسپۋبليكاسى اۋىل شارۋاشىلىق مينيسترلىگىنىڭ مال شارۋاشىلىعى ونىمدەرىن ءوندىرۋ جانە وڭدەۋ دەپارتامەنتىنىڭ باس ساراپشىسى باقىتجان مومبەكوۆ.
سونداي-اق، ول ماڭعىستاۋ وڭىرىندە قۇرعاقشىلىق پەن قۋاڭشىلىققا ءتوزىمدى جەمىس اعاشتارىن وتىرعىزۋدىڭ ماڭىزدىلىعىنا توقتالدى.
