قازاقستاننىڭ ەڭ سۇلۋ قىزدارى - فوتو

ءبىر قىزىعى، جەڭىمپاز اتانعان ارۋلارىمىزدىڭ دەنى الماتى تۋمالارى نەمەسە وسى قالادا بايقاۋعا قاتىسىپ، جەڭىسكە جەتكەندەر. بايقاۋ وتكىزىلگەلى بەرى جەڭىمپاز اتانعان «قازاقستان ارۋلارىن» نازارلارىڭىزعا ۇسىنامىز. 
ساۋلە راحمەدوۆا 1969-جىلدىڭ 11- شىلدەسىندە اقتوبەدە دۇينيەگە كەلگەن. 1987-جىلى اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ بالەت ءسوليستى اتانادى. كەيىننەن رەسەي مەن ا ق ش-تا ونەر كورسەتكەن، ال 2008-جىلى اباي اتىنداعى تەاترعا قايتىپ ورالدى. 
قازىرگى فورماتتاعى ۇلتتىق «قازاقستان ارۋى» بايقاۋى العاش رەت 1997-جىلى ءوتتى. ول كەزدە 20 جاستاعى الماتىلىق ستۋدەنت ءجاميلا بيسەمبيەۆا جەڭىمپاز اتانعان ەدى. بۇكىل حالىق سۇلۋلىعىنا ءتانتى بولعان قىزىمىزعا مودەل اگەنتتىگى ءبىر جىلعا كەلىسىم-شارت ۇسىنعان بولاتىن. 
«قازاقستان ارۋى-1998» اتاعىن الماتىداعى مەكتەپتەردىڭ بىرىندە وقىعان 17 جاسار وقۋشى دانا تولەش يەلەندى. قازىر دانا «سەميا» رەسپۋبليكالىق ادامدى قولداۋ ورتالىعىن باسقارادى. بويى -  172 سانتيمەتر، دەنە ءبىتىمىنىڭ پارامەترلەرى -  86-60-90. 
«قازاقستان ارۋى-1999» تيتۋلى 19 جاسار الماتىلىق ستۋدەنت اسەل يسابايەۆاعا بۇيىردى. ول «الەم ارۋى» بايقاۋىندا ەلىمىزدىڭ نامىسىن قورعايتىن العاشقى «قازاقستان ارۋى» اتاندى. ونىڭ بويى -  176 سانتيمەتر، دەنە ءبىتىمىنىڭ پارامەترلەرى -  86-60-90. 
2000-جىلى «قازاقستان ارۋى» بايقاۋىندا الماتىلىق 20 جاسار ستۋدەنت مارگاريتا كراۆتسوۆا توپ جاردى. ول ەلىمىزدىڭ اتىنان «الەم ارۋى-2000» بايقاۋىنا قاتىسىپ، باعىن سىناعانداردىڭ ءبىرى. ول كەزدە ايتۋلى بايقاۋدا جەڭىمپاز ءتاجىن باسىنا بولليۆۋد جۇلدىزى پريانكا چوپرا كيدى. 
ال «قازاقستان ارۋى-2001» اتاعىن استانادان قاتىسقان 16 جاسار مەكتەپ وقۋشىسى گۇلميرا ماحامبەتوۆا جەڭىپ الدى. حالىقارالىق سۇلۋلىق بايقاۋلارىنا قاتىسپاعان. بويى -175 سانتيمەتر، دەنە ءبىتىمىنىڭ پارامەترلەرى -  83-57-85. 
«قازاقستان ارۋى-2002» -  شىمكەنت قالاسىنىڭ تۋماسى، 16 جاسار ستۋدەنت ولگا سيدورەنكو. ول ەلىمىزدىڭ اتىنان «الەم ارۋى-2002» بايقاۋىنا قاتىسقان. ولگانىڭ بويى -178 سانتيمەتر، دەنە ءبىتىمىنىڭ پارامەترلەرى 84-60-90. 
«قازاقستان ارۋى-2003» اتاعىن 16 جاسار پاۆلودارلىق ستۋدەنت ساۋلە ءجۇنىسوۆا يەلەنگەن ەدى. كەيىننەن ول «الەم ارۋى-2003» بايقاۋىندا باعىن سىنادى.
 
«قازاقستان ارۋى-2004» بايقاۋىندا وسكەمەن تۋماسى، 19 جاسار ستۋدەنت الەكساندرا كازاكوۆا ەلىمىزدەگى ەڭ سۇلۋ قىز اتاندى. «الەم ارۋى-2004» قاتىسقان. الەكساندرانىڭ بويى -  178 سانتيمەتر، دەنە ءبىتىمىنىڭ پارامەترلەرى -88-64-93. 
«قازاقستان ارۋى-2005» كونكۋرسىندا شىمكەنتتەن قاتىسقان 20 جاسار ستۋدەنت دينا نۇراليەۆا جەڭىمپاز اتاندى. ول «الەم ارۋى-2009» بايقاۋىندا ءساتتى ونەر كورسەتىپ، ۇزدىك ون التىنىڭ قاتارىنا ەندى. بۇعان قوسا، «دۇنيەجۇزى ارۋى» بايقاۋىنا (2006-جىلى بولعان) قاتىسقان.
«قازاقستان ارۋى-2006» تيتۋلىن 19 جاسار اتىراۋلىق ستۋدەنت گاۋحار راحمەتاليەۆا يەلەندى. «دۇنيەجۇزى ارۋى-2007»  گە قاتىسقان. 
«قازاقستان ارۋى-2007» -  19 جاسار الماتىلىق ستۋدەنت الفينا ناسىروۆا. ۇلتى تاتار. «الەم ارۋى-2008» قاتىسقان الفينا ۇزدىك ون بەستىڭ قاتارىنا كىرگەن، كەيىننەن «دۇنيەجۇزى ارۋى-2008»، «MissGlobe2011» (ءتورتىنشى ۆيتسە-ميسس اتانعان) بايقاۋلارىندا باق سىنادى. 
«قازاقستان ارۋى-2008» اتاعىن قاراعاندىنىڭ نامىسىن قورعاعان 19 جاسار ستۋدەنت ولگا نيكيتينا جەڭىپ الدى. بۇدان ءارى ارۋىمىز حالىقارالىق سۇلۋلىق بايقاۋلارىنا قاتىسپاعان. 
«قازاقستان ارۋى-2009» -  19 جاسار الماتىلىق ستۋدەنت سىمبات مادياروۆا. حالىقارالىق سۇلۋلىق بايقاۋلارىنا قاتىسقان جوق. 
2010-جىلى ورالدىق 23 جاسار ستۋدەنت جاننا جۇماليەۆا «قازاقستان ارۋى» اتاندى. ول «الەم ارۋى-2011» بايقاۋىندا قازاقستاننىڭ اتىنان قاتىسىپ، ۇزدىك ون بەستىڭ قاتارىنا ەندى، بۇعان قوسا «توپ-مودەل» نوميناتسياسىن قانجىعاسىنا بايلادى. 
«قازاقستان ارۋى-2011» اتاعى تالدىقورعاندا وقيتىن 16 جاسار وقۋشى اينۇر تولەۋوۆاعا بۇيىرعان ەدى. ول «الەم ارۋى-2013» بايقاۋىنا قاتىسقان. اينۇردىڭ بويى -  173 سانتيمەتر. 
«قازاقستان ارۋى-2012» - 21 جاسار شىمكەنتتىك جازيرا نۇرىمبەتوۆا. ماماندىعى بويىنشا بۋحگالتەر. ازىرگە حالىقارالىق سۇلۋلىق بايقاۋلارىنا قاتىسقان جوق.
 
«قازاقستان ارۋى-2013» تيتۋلىن قازاق ۇلتتىق مەديتسينا ۋنيۆەرسيتەتىنىڭ ستۋدەنتى، 24 جاستاعى ايداي يسايەۆا يەلەندى. بيىل جەڭىمپاز قازاقستان اتىنان «دۇنيەجۇزى ارۋىنا» قاتىسادى. ايداي يسايەۆانىڭ ايتۋىنشا، ول بارشا الەم تاماشالايتىن بايقاۋعا قىزۋ دايىندىق ۇستىندە.

Baq.kz