ءسابينا التىنبەكوۆا ۇستىنە مۇزداي سۋ قۇيدى
«Іce bucket challenge» قايىرىمدىلىق فلەشموبى تامىز ايىنىڭ 1- جۇلدىزىندا ا ق ش-تا باستاۋ الدى. بىرنەشە كۇننەن بەرى بۇل فلەشموبقا ميلليونداعان ادام قاتىسىپ ۇلگەردى. ۇيىمداستىرۋشىلار بۇل ارقىلى ايىقپاس اميوتروفيكالىق سكلەروز اۋرۋىنا شالدىققان جاندارعا قايىرىمدىلىق كومەك جاساماق.
فلەشموب تالابى بويىنشا، ۇستىنە سۋ قۇيعان ادام كەلەسى ءۇش ادامنىڭ اتىن اتاۋى كەرەك. ال ەگەر ەسىمى اتالعاندار بۇدان باس تارتسا، 100 دوللار (ا ق ش) كولەمىندە قاراجاتتى اتالعان اۋرۋدى زەرتتەۋ قورىنا اۋدارۋى ءتيىس.
قازىردىڭ وزىندە فلەشموبقا الەمدەگى بەلگىلى اكتەرلەر، ساياساتكەرلەر، ءانشى، سپورتشىلار قاتىسۋدا. امەريكادان باستالعان بۇل شارا ءبىزدىڭ ەلىمىزگە كەلىپ جەتىپ، بىرنەشە قازاقستاندىق فۋتبولشىلار دا بەلسەندىلىك تانىتىپ ۇلگەردى.
ەستەرىڭىزگە سالا كەتسەك، ون جەتى جاستاعى ۆولەيبولشى ءسابينا التىنبەكوۆا 19 جاسقا دەيىنگى قىزدار اراسىندا وتكەن ازيا بىرىنشىلىگىنەن كەيىن تانىلا تۇسكەن بولاتىن. ءوزىنىڭ ادەمىلىگىمەن جانكۇيەرلەردىڭ ىقىلاسىنا بولەنگەن سپورتشى از عانا ۋاقىتتىڭ ىشىندە جۇلدىزعا اينالىپ ۇلگەردى.
ءسابينا ەستافەتانى مانەرلەپ سىرعاناۋدان سوچي ХХІІ قىسقى وليمپيادا ويىندارىنىڭ قولا جۇلدەگەرى دەنيس تەنگە، «جاۋ جۇرەك مىڭ بالا» كينوسى ارقىلى تانىلعان اكتەر اسىلحان تولەپوۆكە جانە تانىمال ءانشى ايقىنعا تابىستادى.
