قازاقستان بالا تۋۋدىڭ وتكەن عاسىرداعى تاريحي جوعارى كورسەتكىشىنە جەتۋى مۇمكىن

استانا. قازاقپارات - قازاقستان بالا تۋۋدىڭ وتكەن عاسىرداعى تاريحي جوعارى كورسەتكىشىنە جەتەدى. بۇگىن مادەنيەت جانە سپورت مينيسترلىگىنىڭ كەڭەيتىلگەن القا ماجىلىسىندە ق ر پرەمەر- ءمينيسترىنىڭ ورىنباسارى گۇلشارا ءابدىقالىقوۆا وسىلاي ءمالىم ەتتى.

 «جاقىندا ساراپشىلار بىزگە جاقسى ستاتيستيكانى كورسەتتى. بيىلعى ءبىرىنشى جارتىجىلدىقتا 198 مىڭ بالا تۋعان. ەگەر دە وسى قارقىن ساقتالاتىن بولسا، وندا جىل قورىتىندىسى بويىنشا بالا تۋۋ كورسەتكىشى 400 مىڭعا جەتەدى. سالىستىراتىن بولساق، بىزدە بالا تۋۋ بويىنشا ەڭ جوعارى كورسەتكىش تاۋەلسىزدىككە دەيىن، ياعني 1989 - جىلى بولدى. سول ۋاقىتتا دا 400 مىڭ نارەستە ومىرگە كەلگەن ەدى. اتاپ ايتقاندا، ءبىز تاريحي جوعارى كورسەتكىشكە قول جەتكىزەمىز» ، - دەدى ۇكىمەت باسشىسىنىڭ ورىنباسارى.

گ. ءابدىقالىقوۆانىڭ ايتۋىنشا، اتالعان ءوسىم 2017 - جىلعا دەيىن جالعاسادى. بۇدان كەيىن بالا تۋۋدىڭ جوعارى دەڭگەيى 2024 - جىلى بايقالۋى مۇمكىن.

 «ياعني، وسى كەزدە تاۋەلسىزدىك جىلدارى ومىرگە كەلگەن رەپرودۋكتيۆتى تۇرعىدا دەنساۋلىعى جارامدى ادامداردىڭ جاڭا ۇرپاعى كەلەدى. سوندىقتان دا ءبىز وسى دەموگرافيالىق سەرپىلىسكە دايىن بولۋىمىز قاجەت. وسى ورايدا ارنايى الاڭداردى، سپورت كلۋبتارىن سالىپ، اۋلا كلۋبتارىن قۇرۋ كەرەك» ، - دەدى ول.

اۆتور: رۋسلان عابباسوۆ