الماتىدا قارۋلانعان ەر ادام پوليتسيا قىزمەتكەرىن جارالادى
بۇل تۋرالى قازاقپارات تىلشىسىنە قالالىق ءى ءى د باسپا ءسوز قىزمەتىنىڭ جەتەكشىسى سالتانات ازىربەك حابارلادى.
«وقيعا كەشكى سەگىزدەر شاماسىندا بولعان. پوليتسيا بولىمشەسىنە و. چۋپريايەۆ دەگەن ازاماتتىڭ وزىنە قارسى الاياقتىق جاساعانىن ايتىپ ءبىر ازامات شاعىمدانعان. ءمان-جايدى انىقتاۋعا بارعان كاپيتان اداي بەردىبەكوۆتى موينىنان پىشاقپەن جارالاعان و. چۋپريايەۆ وقيعا ورنىنان بوي تاسالاماقشى بولعان.
الايدا، ينسپەكتوردىڭ كومەكشىسى بۇزاقىنى دەر كەزىندە ۇستاپ، سۋىق قارۋىن الىپ قويدى. جارالانعان پوليتسيا قىزمەتكەرى ورتالىق كلينيكالىق اۋرۋحاناعا جاتقىزىلدى»، - دەدى سالتانات ازىربەك.
جۇرگىزىلگەن سوت-مەديتسينالىق تەكسەرۋدىڭ ناتيجەسىنە سايكەس و. چۋپريايەۆ ورتا دارەجەدە ماس بولىپ شىققان.
قازىر اتالعان دەرەككە بايلانىستى قىلمىستىق ءىس قوزعالدى. بۇزاقى ۋاقىتشا وقشاۋلاۋ كامەراسىنا قامالدى.
اۆتور: گۇلميرا ءعوسمانالي
