قاراعاندىدا سارباز اۆتوماتپەن ءوزىن-ءوزى اتتى
قالالىق اۋرۋحاناعا جەدەل جەتكىزىلگەن ول قازىر جان ساقتاۋ بولىمىندە جاتىر. كىشى سەرجانتتىڭ مۇنداي ارەكەتكە نەگە بارعاندىعىن انىقتاۋمەن اسكەري پوليتسيا اينالىسۋدا.
«بىرەۋلەرمەن ارادا تۇسىنبەستىك بولعانىن جوققا شىعارامىز. ول - بولاشاعىنان ءۇمىت كۇتتىرگەن ءارى كىممەن بولسا دا تەز ءتىل تابىسىپ كەتەتىن، مىنەزى جايدارى جىگىت. بىرەۋلەردەن قىسىم كورىپ، جەڭىلە قوياتىن دا ادام ەمەس. ءبىزدىڭ ويىمىزشا، وق ابايسىزدا اتىلسا كەرەك»، - دەيدى قاراعاندى گارنيزونىنىڭ اسكەري پوليتسياسىنداعىلار.
«جابىرلەنۋشى كىشى سەرجانت قازاقستان قارۋلى كۇشتەرىنىڭ قاتارىنا وسىدان التى اي بۇرىن كەلىسىم-شارت نەگىزىندە قابىلدانعان» - دەپ حابارلايدى ءبولىم باسشىلارى، ياعني ءساۋىر ايىندا. وقيعانىڭ ءمان-جايىن ەندىگى تەك ساربازدىڭ ءوزى عانا ايتا الاتىنى تۇسىنىكتى. دەمەك، تەكسەرۋ ورىندارى ونىڭ دەنساۋلىعىنىڭ جاقسارعانىن كۇتەدى دەگەن ءسوز.
ەستەرىڭىزگە سالا كەتسەك، وسىدان ءبىراز ۋاقىت بۇرىن ءدال وسى وبلىستا تاعى ءبىر سارباز وزىنە-ءوزى وق اتقان. وكىنىشكە قاراي، 19 جاستاعى مىرزاباي ساپاربايەۆ تىلگە كەلمەستەن مەرت بولدى. بۇل قايعىلى وقيعا تۇزەۋ مەكەمەسىندە ورىن العان-دى. ونىڭ ءولى دەنەسى كۇزەت اۋىسىمى كەزىندە تابىلعان.
Tengrinews.kz
