حالىقارالىق ىزدەۋدە جۇرگەن الاياق اراب ەلىنەن قازاقستانعا جەتكىزىلدى

 استانا. قازاقپارات - بىرىككەن اراب امىرلىگىنىڭ قۇزىرلى ورگاندارى اسا ءىرى كولەمدە الاياقتىق جاساعانى جانە جالعان قۇجاتتار ازىرلەگەنى ءۇشىن حالىقارالىق ىزدەۋدە جۇرگەن قازاقستان ازاماتى شۋحراتجان مىرسادىقوۆتى قازاقستاندىق ارىپتەستەرىنە تاپسىردى،

 دەپ حابارلايدى ق ر باس پروكۋراتۋراسىنىڭ باسپا ءسوز قىزمەتىنەن.

 تەرگەۋ ورگاندارى ش. مىرسادىقوۆتى 2007 جانە 2012 - جىلدارى الداۋ ارقىلى اقشالاي قاراجاتتى جىمقىرعانى ءۇشىن ايىپتاپ وتىر. ول بانك مەكەمەسىنە كەپىلگە جىلجىمايتىن مۇلىكتىڭ - ناقتى ومىردە جوق ءۇي قۇرىلىسىنىڭ جاساندى قۇجاتتارىن ۇسىنىپ، 7,5 ملن. تەڭگە كولەمىندە نەسيە العان. سونداي- اق بانكتەن نەسيە الۋ ءۇشىن ءوزىنىڭ تۋىسىن ۇگىتتەپ، ونىڭ مۇلكىن كەپىلگە سالىپ، 26,5 ميلليون تەڭگە كولەمىندە نەسيە الىپ، ءىزىن جاسىرعان.

ش. مىرسادىقوۆ قازىرگى ساتتە ءابۋ- دابيدەن استاناعا جەتكىزىلىپ، تەرگەۋ وقشاۋلاعىشىنا قامالدى، دەپ حابارلانعان ق ر باس پروكۋراتۋراسىنىڭ رەسمي سايتىندا.