كاسىپكەرلەردى قان قاقساتقان الاياق ايەل كىم؟
«ورال قالالىق سوتىندا وزگەنىڭ اسا ءىرى كولەمدەگى مۇلكىن جىمقىردى دەپ ايىپتالىپ وتىرعان ازاماتشا حاكالوعا قاتىستى قىلمىستىق ءىس بويىنشا نەگىزگى سوت قاراۋى باستالدى. تەرگەۋ ورگاندارى حاكالونى الداۋ جانە سەنىمگە كىرۋ جولىمەن وزگەنىڭ جالپى سوماسى 885 ميلليون 522 مىڭ 255 تەڭگە بولاتىن مۇلكىن جىمقىرىپ، مەنشىك يەلەرىنە اسا ءىرى كولەمدە شىعىن كەلتىردى دەپ ايىپتالىپ وتىر»، - دەلىنگەن وبلىستىق سوتتىڭ حابارلاماسىندا.
«پراگما» حالىقارالىق كورپوراتسياسىندا كەڭەسشى لاۋازىمىندا تاجىريبە جيناعان حاكالو اقشا جىمقىرۋدىڭ قىلمىستىق امالىن ويلاستىرعان. ول USAID حالىقارالىق ۇيىمىنىڭ اتىنان قازاقستاندىق جەكە كاسىپكەرلىك سۋبەكتىلەرىمەن قارجىلىق كومەك كورسەتۋ جونىندە جالعان گرانت كەلىسىمدەرىن جاساعان. ال شىن مانىندە بۇل كەلىسىمدەرگە حالىقارالىق ۇيىمنىڭ ەشقانداي قاتىسى جوق.
الاياق ايەل جەكە جانە زاڭدى تۇلعالارمەن جالعان گرانت كەلىسىمشارتتارىن جاساپ، ءتۇرلى كومپانيالاردان سالىم تۇرىندە اقشا الىپ وتىرعان. ءبىر كاسىپكەردەن الىنعان قاراجاتتى باسقا كاسىپكەرلەرگە سەنىم قورىن قالىپتاستىرۋ رەتىندە اۋدارعان، ءسويتىپ، اقشالاي گرانتتاردىڭ اۋدارىلۋىن كورسەتە وتىرىپ، سونىمەن بىرگە، ولاردىڭ الدىنداعى قارىزدى دا كوبەيتە تۇسكەن.
