جالعان سەرتيفيكات جاساتىپ، ارتىق جالاقى الىپ كەلگەن

استانا. قازاقپارات - جاڭاقورعان اۋداندىق سوتىندا مەملەكەتتىك قىزمەتكەر بولا تۇرا الاياقتىق ارەكەتكە بارعان تۇرعىنعا قاتىستى قىلمىستىق ءىس قارالدى، دەپ حابارلادى جاڭاقورعان اۋداندىق سوتىنىڭ باسپا ءسوز قىزمەتىنەن.

بۇل sud.gov.kz سايتىندا جازىلدى. ول قازاقستان رەسپۋبليكاسى ق ك 177- بابىنىڭ 1- بولىگىمەن ايىپتالدى.

«سوتتالۋشى مەملەكەتتىك قىزمەتكەر بولا تۇرا الاياقتىق قىلعان. ناقتىراق ايتقاندا، بوتەن مۇلىكتى سەنىمگە قيانات جاساپ، سىناق تاپسىرماي، اڭگىمەلەسۋدەن وتپەي، «ءبىرىنشى بىلىكتىلىك ساناتى» كاتەگورياسى سەرتيفيكاتىن ساتىپ العان. وسى جالعان قۇجاتتىڭ نەگىزىندە 2009- جىلدان باستاپ، ايلىق جالاقىسىن ارتتىرىپ، مەملەكەتكە 403536 تەڭگە زيان كەلتىرگەن» دەلىنگەن حابارلامادا.

سوت وتىرىسىنىڭ قورتىندىسى بويىنشا، سوتتالۋشى مەملەكەتكە كەلتىرگەن زياننىڭ ورنىن تولتىرىپ، قازاقستان رەسپۋبليكاسى ق ك-ءنىڭ 67- بابىنىڭ 4- بولىگىنىڭ تالاپتارىنا ساي، قىلمىستىق جاۋاپتىلىقتان بوساتىلدى.