دوسىنىڭ ۇيىنە ۇرلىققا ءتۇسىپ، ايىپتى بولدى

استانا. قازاقپارات - وڭتۇستىك قازاقستان وبلىسى كەنتاۋ قالالىق سوتىندا تانىسىنىڭ ۇيىنە ۇرلىققا تۇسكەن قالا تۇرعىنىنا قاتىستى سوت وتىرىسى ءوتتى، دەپ حابارلادى كەنتاۋ قالالىق سوتىنىڭ باسپا ءسوز قىزمەتىنەن.

ول 6- شىلدە 2014- جىلى ساعات 03:50 شاماسىندا تانىسىنىڭ پاتەرىنە بارىپ، ەشكىم جوق ەكەنىنە كوزى جەتكەسىن، تەرەزەسىن سىندىرىپ كىرگەن.

ۇيگە زاڭسىز كىرىپ، جابىرلەنۋشىنىڭ جالپى قۇنى 42000 تەڭگەگە باعالاناتىن زاتتارىن ۇرلاپ كەتكەن.

قازاقستان رەسپۋبليكاسى قىلمىستىق كودەكسىنىڭ 175- بابىنىڭ 1- بولىگىندە كورسەتىلگەن قىلمىستى جاساعانى ءۇشىن ول كىنالى دەپ تانىلدى.

الايدا، قىلمىستىق كودەكسىنىڭ 67- بابىنىڭ 1- بولىگىنىڭ تالابىنا ساي، جابىرلەنۋشىمەن تاتۋلاسۋىنا، كەلتىرىلگەن زياننىڭ ورنىن تولتىرۋىنا بايلانىستى قىلمىستىق جاۋاپكەرشىلىكتەن بوساتىلدى.

ۇكىم زاڭدى كۇشىنە ەنگەن جوق.