ءانشىنىڭ الماتىداعى ۇيىنە ۇرى ءتۇستى

استانا. قازاقپارات - «جىگىتتەر» توبىنىڭ مۇشەسى، ءانشى باعلان ءابدىرايىموۆ ۇيىنە ۇرى تۇسكەنىن حابارلادى. بۇل تۋرالى ءانشى ءوزىنىڭ instagram جەلىسىندەگى پاراقشاسىندا جازدى.

«مەن سىزدەر مەن قايدا جۇرسەم دە اماندىعىمدى ءبىلدىرىپ، سۋرەت سالىپ وتىرامىن. وسىنى پايدالانعان قازاقتار ۇيگە، توناۋعا كەلىپتى. مەنى ءبىر باي دەپ ويلاپ كالعان عوي... ءالى الماتىعا كەلمەيمىن، اسىقپاي قالعان زاتتاردى اكەتىڭدەر، ۇرى مىرزالار»، دەپتى ءانشى.

ءانشىنىڭ پايىمىنشا، ۇرىلار ءوزىنىڭ جانكۇيەرلەرى بولۋى مۇمكىن.

«مەنىڭ جانكۇيەرلەرىم ەكەن. بۇكىل مەن كيگەن كيىمدەردى، قارا شامادانعا سالىپ قويىپتى. ءبىراق، اكەتە الماعان!»، - دەيدى ول.