مۋزارت توبىنىڭ ءانشىسى ساكەن مايعازيەۆ دۇرىلدەتىپ توي جاسادى – كەسكىن/فوتو
جالعىز قىزىنىڭ ءبىر جاسقا تولۋى مەن تۇساۋكەسەرىن ءانشى ەشبىر ىشىمدىكسىز وتكىزدى.
ساكەن مايعازيەۆتىڭ قىزدى بولعانى ءانشىنىڭ وتباسىن عانا ەمەس، بۇكىل قازاقتى قۋانتقان ەدى. سەبەبى، مايعازيەۆتەر وتباسىنىڭ بۇل كۇندى كوپ كۇتكەنىن ونەر سۇيەر قاۋىم جاقسى بىلەتىن. رايانا دەپ ەسىمىن قويعان ءانشى قىزىن بوگدە كوزدەردەن قاتتى قورعادى.
تامىز ايىندا دۇنيەگە كەلگەن قىزىن تۋرا ءبىر جىل بويى ەشكىمگە كورسەتپەگەن، عالامتورعا سۋرەتىن دە سالماعان اكە وتكەن اپتادا رايانانى بۇكىل قازاققا تانىستىرىپ، ۇلكەن توي بەردى.
مۋزارتتىڭ بەلدى مۇشەسى ساكەننىڭ قۋانىشىنا كوپكە سىيلى ەل اعالارى مەن اپالارى بار، اتاعى جەر جارعان تانىمال تۇلعالارى بار، جاسى بار كارىسى بار بارلىعى كوپتەن كۇتكەن رايانانى كورىپ، كورىمدىگىن بەرۋ ءۇشىن اسىعا كەلدى.
ال، تويعا جينالعان 500 ادامنىڭ بىردە-بىرىنە ارنايى شاقىرۋ قاعازى بەرىلمەسە دە قۋانىشىمنان قالماي كەلگەنى مەن ءۇشىن باقىت دەيدى توي يەسى.
ۇلكەندەردەن باتا الىپ بولعان سوڭ اسابا تويدىڭ باستى سەبەپكەرى رايانا ساكەن قىزىن ورتاعا شاقىردى.
ال رايانانىڭ تۇساۋىن باۋىرجان مومىش ۇلىنىڭ كەلىنى زەينەپ احمەتوۆا كەستى. ارتىنشا سىيلىقتار بەرىلدى، ءان ايتىلدى، تىلەكتەر لەگى جاۋدى.
ال رايانانى ءبىرىنشى رەت كورگەن ساكەننىڭ ارىپتەستەرى قىزدى ءبىرى اكەسىنە، ءبىرى اناسىنا ۇقساتىپ باقتى.
تويشىل قاۋىم ەندىگى كەزەكتە رايانانىڭ ۇزاتۋ تويىنىڭ كۋاگەرى بولۋعا جەتكىزسىن دەپ تارقاستى.
31 كانال
