18:06, 19 - تامىز 2014 | GMT +5
قىركۇيەكتە استانا ماڭىندا قازاق تازىسىنىڭ كورمەسى وتەدى
استانا. قازاقپارات - 21 - قىركۇيەكتە استانا ماڭىندا ورنالاسقان «بالقاراعاي» دەمالىس ايماعىندا قازاق تازىسىنىڭ كورمەسى وتەدى.
بۇل تۋرالى «قانسونار» اڭشىلاردىڭ قوعامدىق بىرلەستىكتەرى جانە اڭشىلىق شارۋاشىلىقتار سۋبەكتىلەرى قاۋىمداستىعىنان حابارلادى.
«21 - قىركۇيەكتە «بالقاراعاي» دەمالىس ايماعىندا قازاق تازىسى تۇقىمدى يتتەرىنىڭ كورمەسى وتەدى. شارانى «قانسونار» اڭشىلاردىڭ قوعامدىق بىرلەستىكتەرى جانە اڭشىلىق شارۋاشىلىقتار سۋبەكتىلەرى قاۋىمداستىعى ۇيىمداستىرىپ وتىر. وعان قازاقستاننىڭ بارلىق اۋماعىنان تازى وسىرۋمەن اينالىساتىندار جينالادى» ، دەلىنگەن تاراتىلعان مالىمەتتە.
شارانىڭ ماقساتى - قازاق حالقىنىڭ يگىلىگى مەن تاريحي- مادەني مۇراسىنىڭ ءبىر بولىگى بولىپ تابىلاتىن قازاق تازىسىن ساقتاپ قالۋ جانە ونى بارىنشا تانىستىرىپ، ناسيحاتتاۋ.
