رەسەيدەگى قازاقتار كەزەكتى قۇرىلتايعا جينالدى
قۇرىلتايدى ءوز جەرىندە وتكىزۋ مارتەبەسى بيىل سوروكين اۋدانى قازاقتارىنىڭ ەنشىسىنە بۇيىرىپتى. بىلتىرعى شارادا ولار ءوز ونەرلەرىمەن ءبىرىنشى ورىندى جەڭىپ العان.
رەسەيدىڭ تۇمەن وبلىسىنا قازاقتار وتكەن عاسىردىڭ وتىزىنشى جىلدارى ورە كوشكەن. سودان بەرى ءسىبىر جەرىن ولار ەكىنشى وتانى سانايدى. نەگىزگى كاسىپتەرى مال شارۋاشىلىعى بولعاندىقتان، جاستار جاعى وسى ماماندىقتى تاڭدايدى.
مەرۋەرت احمەتوۆا، سوروكين اۋدانى قازاقتارى ۇلتتىق- مادەني اۆتونومياسىنىڭ ءتورايىمى:
- قازاق بالالارى اگرونوم ماماندىعىن، ينجەنەر ماماندىقتارىن الىپ جاتىر. بۇرىنعىداي حالقىمىز اۋىل شارۋاشىلىعىمەن اينالىسادى سونداي جاقسى- جاقسى اۋىل شارۋاشىلىعى بار.
قۇرىلتايدى تۇمەن قازاقتارى ءجاي جيىن ەمەس، توي رەتىندە وتكىزەدى. ۇلتتىق كيىم كيىپ، كيىز ۇيدە اس بەرىلەدى. قازاق اندەرى شىرقالىپ، بوز كىلەمدە بالۋاندار بەلدەسەدى. قىز قۋىپ، ات جارىستىرادى.
بولات احمەتوۆ، تۇمەن وبلىسىنىڭ تۇرعىنى:
- ءوسىپ كەلە جاتقان ازاماتتار وسىنداي تويدى كورەدى. كيىم قانداي قازاقتار كيەتىن كيىم، ءداستۇرىن ءبارىن، اسحاناسىن، ىشكەن تاماعىن سوسىن بىتتەي كەزىنىن ەسىندە بولىپ، قازاق بالاسى ەكەندىگىن ءبىلىپ، جاتتاپ، وسكەن كەزىندە ءبارىن سولاي ىستەيتىن بولادى، ۇمىتپايتىن بولادى.
بيىلعى قۇرىلتايعا سولتۇستىك قازاقستان وبلىسىنىڭ دەلەگاتسياسى دا قاتىستى. رەسەيلىك قازاقتار ولاردان وتانىندا بولىپ جاتقان وزگەرىستەردى ەستىپ، جاڭا اندەردى تىڭدادى.
كارىباي مۇسىرمان، س ق و «قازاق ءتىلى» قوعامىنىڭ ءتوراعاسى:
- ولار سىرتتا جۇرسە دە، وزدەرىنىڭ ۇلتتىق ءداستۇرىن انا ءتىلىن ۇمىتقىلارى كەلمەيدى. سوندىقتان قۇرىلتاي وتكىزىپ وتىر. وزدەرىنىڭ ونەرگە، قازاق تىلىنە دەگەن قۇلشىنىسىن كورسەتىپ وتىر. ءبىز سوعان قۋانىشتىمىز.
وسىدان تۋرا ون جىل بۇرىن رەسەي جەرىن ءبىر ميلليونعا جۋىق قازاق مەكەندەگەن ەكەن. ولاردىڭ 300 مىڭدايى ەلگە قونىس اۋدارعان.
گۇلميرا تاسبولات قىزى
