تاجىكستان فۋتبولشىلارى قازاقتاردىڭ «قوناقجايلىلىعىن» سىنادى

استانا. قازاقپارات - الماتىدا قازاقستان ۇلتتىق قۇراماسىمەن جولداستىق كەزدەسۋ وتكىزگەن تاجىكستان فۋتبولشىلارى قازاقتاردىڭ قوناقجايلىلىعىنا ريزا ەمەس سىندى.

مۋحسين مۋحاماديەۆ الماتىداعى قوناق ءۇيدىڭ جاعدايىنا كوڭىلى تولمايتىنىن ايتىپ، قازاقتارعا قوناق كۇتۋدى ۇيرەتۋگە ۋادە بەردى.

بۇل جاعدايعا بايلانىستى ءوز ويىن تاجىكستان قۇراماسىنىڭ قاقپاشىسى الىشەر دودويەۆ تا Sports.kz پورتالىنا بەرگەن سۇحباتىندا ءبىلدىردى.

"قازاقتار ۋەفا قۇرامىنا كىرگەندىكتەن قوناقتاردى جوعارى دەڭگەيدە قارسى الۋى كەرەك ەدى. الايدا، مۇنداي قوناقجايلىلىقتى كورمەدىك. مەن الەمنىڭ كوپتەگەن ەلىندە بولدىم، ءبىراق مۇندايدى كورۋىم العاش رەت. قوناق كۇتۋ دەڭگەيى وتە تومەن. بالكىم الداعى ۋاقىتتا ءبىزدىڭ قۇرامالار تاجىكستاندا ويناسا ءبىز قازاقتارعا قوناقجايلىلىقتىڭ قانداي بولاتىنىن ۇيرەتىپ جىبەرەرمىز" دەدى الىشەر دودويەۆ.

baq.kz