21:03, 13 - تامىز 2014 | GMT +5
ءانشى سالتانات باقايەۆا اۋەجايدا تۇسكەن سۋرەتكە « جابايى باتىس » دەپ جازعانى ءۇشىن داۋعا قالدى
استانا. قازاقپارات - « ارناۋ» توبىنىڭ ءانشىسى سالتانات باقايەۆانىڭ الەۋمەتتىك جەلىدەگى جازباسى داۋعا ۇلاستى. اۋەجايدا تۇسكەن سۋرەتكە «جابايى باتىس» دەپ جازعانى ءۇشىن ءانشى ءارى اكتريسا سالتانات سىننىڭ استىندا قالدى.
ورال قالاسىنا قىدىرىپ بارعان ءانشىنى الەۋمەتتىك جەلى قولدانۋشىلارى " باتىس حالقىن جابايى دەدى " دەپ ايىپتاعان .
بەس مىڭعا جۋىق قولدانۋشىنىڭ تالقىسىنا تۇسكەن جازبادان كەيىن سالتانات باقايەۆا جەلىدەگى دوستارىنا ءسوزدىڭ بايىبىنا بارىپ ، پىكىر جازۋدى ۇسىنعان . ال ورال قالاسىنىڭ جاستارى " قازاقتى بولمەڭىز "، " جابايى بولساق ەندى كەلمەڭىز " دەگەن پىكىرلەر قالدىرعان . ءتىپتى ، كەيبىر پىكىرلەردە انشىلەرگە جۇمىرتقا لاقتىرامىز دەگەن سەس كورسەتۋ دە بار . ال ءانشى بۇل جازبا ايدا ەسىمدى قۇربىسىنا تىكەلەي قاتىستى ، سوندىقتان " تىرناق استىنان كىر ىزدەۋدى قويۋ كەرەك " دەپ ءوز جازباسىنا تۇسىنىك بەرگەن .
31- ارنا
