قارقارالى اتاۋى قايدان شىققان؟
ارادا ءبىراز جىلدار وتكەن سوڭ، قوزى ەس ءبىلىپ، ەر جەتكەن شاقتا، ايباس باتىر، ونىڭ قالىڭدىعىن ىزدەپ ساپارعا شىعادى.
بايان سۇلۋدىڭ اۋىلىنا بارعان سوڭ، سول ارادا قىرىق قىزدىڭ قاۋمالاۋىنا ءتۇسىپ، سول ارادا باياننىڭ حابارىن بىلەدى جانە قوزى جايىن ايتادى. باياننىڭ سالەمىن الىپ، قوزىعا جەتۋگە اسىققان ايباس باتىر جولعا جينالعاندا قىزدار وعان ءوز زاتتارىن سىيلىققا تارتۋ ەتەدى. كەيىن سول زاتتار جەر-سۋ اتاۋلارىنا اينالعان ەكەن. جىرعا كوڭىل قويساق:
كوكتايمەن باتىر ايباس تومەن شاپتى،
قىزدىڭ بەرگەن بەلبەۋى ءتۇسىپ قالىپ،
«قىزىل بەلبەۋ، قۇباجان» قويا ساپتى...
... قىزدىڭ بەرگەن مەيىزى ءتۇسىپ قالىپ،
«مەيىزگەك» دەپ تاۋ اتىن قويا ساپتى...
... قىزدىڭ بەرگەن قارقاراسى ءتۇسىپ قالىپ،
«قارقارالى تاۋ اتىن قويا ساپتى ...»،
وسىلاي سول ولكەنىڭ جەرلەرىنىڭ اتتارى پايدا بولعان دەسەدى، جانە بارلىعىن قوزى كورپەش بايان سۇلۋ جىرىمەن ۇيلەستىرە وتىرىپ، سول زاماندا قويىلعان اتاۋلار دەگەن وي سالادى.
بۇل، قارقارالى اتاۋىنىڭ قايدان شىققاندىعى جونىندەگى اڭىزدىڭ ءبىر بولىگى. اتاۋدىڭ قىز قارقاراسىنىڭ (ساۋكەلە، بورىك) قالۋىمەن بايلانىستىرىلاتىندىعىندا.
