پسيحولوگتار: رەنجىسكەننەن كەيىن سويلەسپەي قوياتىن ەرلى-زايىپتىلار اجىراسىپ تىنادى

استانا. قازاقپارات - ەگەر ۇرسىسىپ قالعاننان كەيىن ەرلى-زايىپتىلار نە ءۇشىن سونداي جاعدايدىڭ تۋىنداعانى جايىندا سويلەسپەي، ءبىر-ءبىرىن ۇنسىزدىك ارقىلى جازالاسا جانە وسىنى ادەتكە اينالدىرسا، وندا ولاردىڭ نەكەسى كوپ ۇزاماي بۇزىلىپ تىنادى.

رەنجىسكەننەن كەيىن سويلەسپەي قويعاننان ەش پايدا جوق. ونىڭ وتباسىلىق قارىم-قاتىناسقا عانا ەمەس، ادامنىڭ دەنساۋلىعىنا دا زيانى كوپ، - دەپ جازادى Myjane پورتالى.

بۇنداي قورىتىندىعا كەلمەس بۇرىن پسيحولوگتار 14 مىڭ ادام قاتىسقان زەرتتەۋ جۇرگىزگەن. ولار وتباسىلىق ارازدىققا قاتىستى 74 ءتۇرلى سىننان وتكەن. سونداعى عالىمداردىڭ تۇيگەنى مىناۋ: سويلەسپەي قويۋ - تاتۋلاسۋعا كەدەرگى كەلتىرەتىن ەڭ زياندى ارەكەت.

رەنجىسىپ قالعاننان كەيىن ادام بويىندا اشۋ پايدا بولادى. ول تارقاماسا بىرتە-بىرتە ىزانىڭ ىزعارى ءورشي تۇسەدى. بۇنداي جاعدايدا بار ەموتسياڭدى تارقاتۋ ءۇشىن ءسوز تاپتىرماس قۇرال ەكەنى بەلگىلى.

سونداي-اق، تەز ارادا تاتۋلاسىپ كەتپەگەن سەبەپتى ادام قوبالجىپ، ءتۇن ۇيقىسى، اسقا تابەتى، ءبيوريتمى بۇزىلادى.

پسيحولوگيالىق تۇرعىدان العاندا، ۇزاق ۋاقىت جۇبايىمەن ءتىل قاتىسپاي جۇرگەن ادام جالعىزدىققا بوي ۇيرەتىپ، جۇپتىق قۋاتتى سەزىنۋدەن قالادى. وسى سەبەپتى ول اجىراسقاندى ءجون دەپ تابۋى مۇمكىن.