ۋكراينا ۇشاقتارىنا رەسەي اۋماعىنىڭ ۇستىنەن ۇشۋعا تىيىم سالىندى
«ۇكىمەت شەشىم قابىلدادى. اڭگىمە رەسەي اۋە كەڭىستىگى ارقىلى ءبىرقاتار ەلدەرگە: ازەربايجان، گرۋزيا، ارمەنيا، تۇركياعا ۇشاتىن ۋكرايندىق اۆياكومپانيالاردىڭ ترانزيتتىك رەيستەرىن توقتاتۋ جايىندا بولىپ وتىر» ، - دەدى بەيسەنبى كۇنى ۇكىمەت وتىرىسىندا پرەمەر- مينيستر.
مەدۆەديەۆ رەسەي ترانسسىبىرلىك ۇشۋلار ەرەجەلەرىن قايتا قاراۋعا ازىرلەنىپ جاتقانىن حابارلادى. وعان سايكەس باتىس كومپانيالارى ازياعا ۇشۋ جولىن قىسقارتۋ ءۇشىن ءسىبىر اۋماعىنىڭ ۇستىنەن ۇشۋ قۇقىعى ءۇشىن «اەروفلوتقا» ۇشۋ رويالتيىن تولەيدى.
«ءبىزدىڭ ەل ترانسسىبىرلىك مارشرۋتتى پايدالانۋ ەرەجەلەرىن قايتا قاراۋعا، ياعني ترانسسىبىرلىك مارشرۋتتاردىڭ قولدانىستاعى جۇيەسىن جاڭعىرتۋدىڭ كەلىسىلگەن ەرەجەلەرىنىڭ كۇشىن جويۋعا ءازىر» ، - دەدى ر ف ۇكىمەتىنىڭ باسشىسى.
«مۇنداي جاعدايلاردا رەسەي ۇكىمەتى ءبىرقاتار جاۋاپتى قادامداردى قارايدى. ولاردى اتاپ وتەيىن، الايدا ولار بىردەن ەنگىزىلە قويمايدى: بۇل شىعىس ازيا وڭىرلەرىنە، ياعني ازيالىق- تىنىق مۇحيتى ايماعىنا ەۋروپالىق، امەريكالىق اۆياكومپانيالاردىڭ ترانزيتتىك رەيسى ءۇشىن رەسەيدىڭ اۋە كەڭىستىگىن پايدالانۋعا تىيىم سالۋ» ، - دەپ ءتۇسىندىردى مەدۆەديەۆ.
رەسەيدىڭ ۋكرايندىق اۆياكومپانيالاردىڭ ءوز اۋماعىنان ترانزيتتىك ۇشۋلارعا تىيىم سالۋى مۇمكىن ەكەنى تۋرالى 6 - تامىزدا قۇپيا تۇلعالار مەن كولىك مينيسترلىگىنە سىلتەمە جاساي وتىرىپ يتار- ت ا س س حابارلاعان بولاتىن. اگەنتتىكتىڭ دەرەككوزدەرى ماسكەۋ ەۋروپالىق اۆياكومپانيالارعا قارسى شارالاردى، ونىڭ ىشىندە ءسىبىر اۋماعىنىڭ ۇستىنەن ۇشۋعا قاتىستى شارالاردى قاتاڭداتۋى مۇمكىن ەكەندىگىن مالىمدەدى.
«اڭگىمە، مىسالى، ۇشۋعا ۋاقىتشا نەگىزدە رۇقسات بەرىلگەن، ياعني اۋە قاتىناسى تۋرالى كەلىسىمدە بەلگىلەنگەننەن تىس ءبىرقاتار جۇك جانە جولاۋشىلار تاسىمالدايتىن اۆياكومپانيالاردىڭ چارتەرلىك رەيستەرىن توقتاتۋ جايىندا بولۋى مۇمكىن» ، دەپ اتاپ وتىلگەن دەرەككوزدە.
رەسەيدە العاش رەت ەۋروپالىق اۆياتاسىمالداۋشىلارعا سىبىردەن ۇشىپ وتۋگە تىيىم سالۋى مۇمكىن ەكەنى تۋرالى 5 - تامىزدا «ۆەدوموستي» گازەتى جازدى. ىقتيمال تىيىم سالۋ سالدارىنان ەڭ كوپ British Airways, Lufthansa, Air France زارداپ شەگەدى. تىيىم سالۋ تۋرالى جاڭالىق ماسكەۋ بيرجاسىندا «اەروفلوت» اكتسيالارىنىڭ قۇلدىراۋىنا اكەلدى.
6 - تامىزدا ەۋروكوميسسيانىڭ گەرمانياداعى وكىلى ريحارد كيۋنەل ەو ءوز اۆياكومپانيالارىنىڭ ۇشاقتارىنىڭ ءسىبىردىڭ ۇستىنەن ۇشىپ وتۋىنە تىيىم سالىنۋىنا جاۋاپ رەتىندە رەسەيلىك اۆياتاسىمالداۋشىلارعا قارسى شەكتەۋلەر ەنگىزۋلەرى مۇمكىن ەكەندىگىن مالىمدەدى.
رەسەي بيلىگىنىڭ اۆياتسياداعى ارەكەتى ە و- نىڭ «دوبرولەتكە» قاتىستى سانكتسياسىنا جاۋاپتى قادامى بولدى. بريۋسسەل «اەروفلوتتىڭ» ەنشىلەس ۇيىمىن شىلدەنىڭ اياعىندا سانكتسيا تىزىمىنە ەنگىزگەن.
