ەكولوگتار قازاقستاندا ازيالىق پىلدەردى وسىرۋگە ۇسىنىس جاسادى

استانا. قازاقپارات - ءبىر توپ ەلوردالىق ەكولوگتار قازاقستاندا ازيالىق پىلدەردى وسىرۋگە ۇسىنىس جاسادى. ماماندار بۇل جانۋارلاردىڭ ماڭعىشلاق تۇبەگىندە ءومىر سۇرە الاتىنىنا سەنىمدى، دەپ حابارلايدى «ەكسپرەسس ك» گازەتى.

«ازيالىق پىلدەر افريكالىق پىلدەرگە قاراعاندا ۇلكەندەۋ كەلەدى، - دەيدى ەكولوگ ماعاۋيا سەيسەنوۆ. - بيىكتىگى 3,5 مەترگە جەتىپ، سالماعى 6 توننادان اسادى. ازيالىق ءپىلدىڭ ءتولى قالىڭ ءجۇندى بولىپ تۋادى، الايدا ىستىقتان ول ءتۇسىپ قالادى. باتىس قازاقستان قىسىنىڭ جاعدايىندا جانۋارلاردىڭ تەرىسى ودان سايىن قالىڭدار ەدى. ازيالىق پىلدەردىڭ ازۋلارى دا ۇلكەن، ولاردىڭ ۇزىندىعى ءۇش-ءتورت مەترگە دەيىن جەتەدى.

سوندىقتان قازاقستاندا بۇل جانۋارلار مامونتتارعا ۇقسار ەدى. جالپى ماڭعىشلاق تۇبەگى پىلدەردى ءوسىرۋ ءۇشىن قولايلى. ول ءۇشىن ەشقانداي دايىندىقتىڭ كەرەگى جوق. بار بولعانى بىرنەشە تۇقىمداستى ساتىپ الىپ، ولاردى وسىندا اكەلىپ، ەركىندىككە جىبەرۋ كەرەك. پىلدەردىڭ قازاقستانعا ۇيرەنىپ كەتۋىنە قاراعاندىلىق حايۋاناتتار باعىنداعى باتىر ەسىمدى ءپىل مىسال بولا الادى».

جابايى پىلدەردى ءوسىرۋ ارقىلى قازاقستان وسى جوعالىپ بارا جاتقان تۇرگە ۇلەس قوسا الادى. سونىمەن بىرگە، باتىس قازاقستان تاعى ءبىر تۋريستىك باسىمدىققا يە بولادى، دەپ جازادى باسىلىم.